Mak 6:4-14

⁴Baing Yesu harua nadi ba, “Urana lipuxing suxunguxunguama xap yaya sabanga mana long longgalo. Ning yabania, maluxu mana bakbagindi, bing ditatua.”

⁵Sanga ba libu axamang haringing sibung tela la ba te. Ta rimandi mana lipu unrangindi dibusi ing ganina, saing hamaringiadi.

⁶Baing hixi manadi, namua na dahatum haringina mana te. Tauna, Yesu haxa mauli saing tubatuba long taining tainina duwa singia.

⁷Baing wagi Lipu 12 dima rangua saing soxidi mala luwa luwa, sina yaya nadi bu disuka xaungadi mala.

⁸Tabinadi ba, “Bungina ala, labu axap xalingim haxangamdi malau tai. Axap anginga, tanga, xaung siang te. Axap tuki ing ganina.

⁹Asau xai sanggandi xaung imang, ning axap imang muli malau tai.

¹⁰Bungina aluxu mana long tela saing ditang mana numa tela, awa mana numa ba laing ayunga longga baguba.

¹¹Nabu long tela daxapkang te, kimbo dilunguang te, bungina asauyadi bing atingting gagapdi duwa kim lunia mala bu daxabia ba duwa haruangia.”

¹²Baing ina naga, dila dibaxanga ba lipudi duxugia hatumingadinga.

¹³Disuka xaunga xumana mala, disabaxaya guxenga mana lipu busingamdi saing libudi disok xai.

¹⁴Xaitamoxi Herot Antipas lungu axamang longgalo Yesu libudi ba, namua na Yesu naxuyanganoa tubu. Lipu teladi daharua ba, “Ina Lipu Suguangama Yon naga mesa muli mana matiyua. Mana namua naga ina sanga ba libu axamang haringinadi ba.”