Maga 6:4-14

⁴Amala säsebegi, Yesuea ilima sähalea, Bea sälo neebe amoda fii elö elöi neebe amolia ïe ëi gauia adala aligilomelë. Hïle segea fii afädë sosogo neebe amoliada ïe ëi gauia adala aligilo mademelëla säi.

⁵Ea dolöea hamomolöi made gadoi hamolo amo gadola segea ami hamomolöi made beala nelo. Ea udia dolö afädë afädëlamu oloi amo naaboea diigila wahilasisa nelo.

⁶Amala hamosebe amo beala ili asigi afädë made negela neebe amogi e fudugisa nelo. Amalahilä eda udia dolö nefolalebeadi ado mala olelela aligi nawesa nelo.

⁷Yesuea ïe bëgëla aulo giwilasi amoli misiëlahilä ilima sähalea, Äudä äudäla afufumalola sälahilä udia dolö mugabe fedai nefolalebe amoli nesiladigimäia ea ilima geloi ï.

⁸Ea ilima sähalea, Dili afiahaleada galiamomu gaula mosalo. Nelegei odoa gaula mosabio. Molöge aduge muni salelogi salalage gaula mosabio.

⁹Emo usililo salugamalo. Fagulo äudä salugamabiola säi.

¹⁰Ea ilima sähamu nea sähalea, Sege afädëgi beselagalalahilä mosö afädëgi nogila digase amogimu nelolahilä dili bahïla awähalea dïgïla mosalo.

¹¹Sege afädëgi beselagalahamelë. Amo fii amolia mosö fu made ïalahilä dilia säse amoge made nabaseda, sege amo dïgïla mosalo. Dïgïla awähaleada, dilile emogi dao baai dibe amo fëfëla salalahilä, mosalo. Amala hamoseda, nilïa asiala hamoi amea amasebela helësëmolömelëla säi.

¹²Amala säi amo nabala ili afialahilä udia dolö amolima dili asigi besumalola säla ïïa nawesa nelo.

¹³Ilia amala säsäla nawesa nea udia dolö yafie mugabe fedai nefolalo amoli nesiladigiladigi. Udia dolö yafie olola nowei difolalo amoge ilia weli söga negesebegi, wahisa maadei.

¹⁴Udia dolöea Yesuïe ëi säsäi asi ameada beaha aligilo Gini Heledoea nabi. Odoaea sähalea, Ödägi gelo Yone dafidi baagoi amo bu nowelahilä obëgëla misi amea geloi melëlo made gadoi hamosa neamelëla säha nelo.