LUKU 1:66-77

⁶⁶Akũ gbɛ̃ kũ ò yã pìi mànↄ kũna ń nɛ̀sɛɛ gũn ò pì: Bↄ́n nɛ́ pì nigↄ̃ de a ũ ziaa? Zaakũ Dikiri ↄ kúa.

⁶⁷Luda Nini sù a de Zakaria, akũ à annabikɛyã ò à pì:

⁶⁸Ò Dikiri Isarailanↄ Luda sáabu kpá! À sù à a gbɛ̃nↄ bò.

⁶⁹À Surabari gbãnade bòwɛrɛ a zↄ̀bleri Dauda buri tɛ́,

⁷⁰lákũ à ò a annabinↄ gãi nà zaa gìkɛna.

⁷¹Ò pì ani ó sí ó ibɛrɛnↄa, ani ó bo gbɛ̃ kũ ò zã̀ógu pìnↄ ↄĩ.

⁷²Lɛmɛ à ó dizinↄ wɛ̃nda gwà lɛ, a bàka kunna kũńwo yã dí sãaguro.

⁷³À la dà ó dizi Ibrahĩnɛ

⁷⁴à pì áni ó bo ó ibɛrɛnↄ ↄĩ, áni ó gba zɛ́ ò doarɛ vĩna sari,

⁷⁵de ó kunna gↄ̃nɛ adona gbɛ̃ mananↄ ũ ari ó wɛ̃̀ndi lɛ́n.

⁷⁶Mↄkↄ̃n sↄ̃ ma nɛ́, oni n sísi Luda Musude annabii, zaakũ mↄkↄ̃n mɛ́ ĩni do Dikirinɛ arɛ ǹ zɛ́ kɛkɛnɛ.

⁷⁷Ĩni tó a gbɛ̃nↄ dↄ̃ lákũ ani ń sura ba nà, lákũ ani ń durunnanↄ kɛ̃ḿma nà.