San Lucas 1:66-77

⁶⁶Tucuy uyarejcunataj sonkoncupi nerkancu: “¿Imataj canka cay wawari?” nispa, imaraycuchus Señor Dios atiyninta ricucherkan paypaj allinninpaj.

⁶⁷Juanpaj tatan, Zacarías, Santo Espirituwan junt'a cachcaspa, Diospaj sutinpi parlarkan:

⁶⁸“¡Israelpaj Señor Diosnin alabaska cachun, imaraycuchus runancunata salvaj jamun!

⁶⁹Atiyniyoj Salvadorta cachamuwanchis, Dios casucoj sirvejnin Davidpaj mirayninmanta.

⁷⁰Diospaj santo profetancuna willaskacu Dios ñaupajña prometicuskanta:

⁷¹enemigonchiscunamanta tucuy chejnicojninchiscunamantawan salvanawanchista,

⁷²ñaupaj abuelonchiscunata qhuyapayacunanta, santo compromisonta mana konkapuspa.

⁷³Cay ari, chay promesa Dios juramentowan tatanchis Abrahamwan ruwaskanka,

⁷⁴enemigonchismanta libranawanchista, Diosllata sirvinanchispaj mana ni imata manchacuspa,

⁷⁵Diospaj ñaupakenpi justo mana juchayoj cananchispaj tucuy p'unchay causananchiscama.

⁷⁶Kanri, wawitáy, sinchi athun Diospaj profetan niska canqui. Señorpaj ñaupakenta purinqui ñanta waquichispa,

⁷⁷runacunaman willaspa Dios juchancunata perdonananta salvanantawan.