Luk 1:66-77

⁶⁶Lo akapa atoa taumattu laghe nongola, laghe nnaa sosso laala isaa o kiukiu, me laghe aaikolomieinila va, “Aliki eteva oia, aue saa taumattu nau enamuu?” Poli laghe tarala va sarasarakaniaane Vau eteva ghe toka aitauaa teeiela.

⁶⁷Spirit Manga ateva ghe pasula ta Sekaraea, tamane aliki eteva, me ghe aulia ngamuemua alokoila inangari tani ue va,

⁶⁸“Ita tau sae ararina ateae Vau eteva, kapuira Goto ia Israeli etoa, poli ghe mae sio tani sausi kapuna taumattu ngatoa me ghe poli aoghi teeilala.

⁶⁹Ghe tau mae sio kateva taumattu sarasarakanaaili ia tani sausita elome ta tuvuna atoa Deivit, kapuna tau ngai nongonongo anna ateva God.

⁷⁰Nongina ghe gheleila inangari nialokoi ta propete atoa manga ila me ila laghe auliaala emua arau,

⁷¹va aue easaangita ta tau ngai ssateeita atoa, me ta nimaira lo atoa esessaieiliila etaita.

⁷²Ta poli aalousiusiaane ghe sausila tuvuita atoa, me eannaa inangari manga emua arau ghe aulia ngalokoila

⁷³ghe auliaala inangari nialokoi ta tuvuita ateva ta Abraham.

⁷⁴Eanna tani asaangita ta nimaira tau ngai ssateeita atoa me ita kkaueinia me ita rau mene matautu.

⁷⁵Liuna avalua o me nau ekapa atoa, nau sakesake ita, ita kasu tale salana manga me ghulughuluena ta matane.

⁷⁶Me io, natughu, aue la ghaseo va kapuna propete io Vau eteva; me io aue umuemuea Vau eteva tani aimonomonosiaa salane atikirighi,

⁷⁷tani ghelei masalika tale kapuna taumattu ngatoa, vaalua tani saanga me eghaa velu kaluira ssavoto,