Luk 1:66-77

⁶⁶Fai oruwa nere beele waha isidu bode, ninanege baingaro isidu benou isoki wane, “Iinga magana waha no fai adoha heigonbona?” Anyakaro nomo danga no langa inyina waha, nere alai.

⁶⁷Jon umamu Sekaraia no Hauri Guuni bolo tuwainga, no profet beele benou lewai,

⁶⁸“Ere Israel ebere anyakaro, Itou unyi isouwei nomo. No medu bona, ere nomo fai-aita hoyo higidu, ege gidu haigaha.

⁶⁹No nomo haruwe magana Devit, nomo ganemuha fai danga bagu ere ege gidu haigei nomo bona tafa tuwai,

⁷⁰aminanga la, no nomo profet huranege la lewai onou.

⁷¹No lewai, no ere ebere honggoro fai bagu, nere fai ere bode huwanyanege inyaba dede waha bagu, owonegeha ege gidu haigonbona.

⁷²No ebere asage gane bona aau warainga, hoyo nigai. No nomo beele agili mala karuwou aminaha waha bona ninau gai isi-isina.

⁷³No amina ebere asage Abraham letuwai, ngalenga tigini ouwe la. Elebe no amina lewai onou ere langa onowon bona.

⁷⁴No ere honggoro fai owonegeha ege gidu haigonbona, ere nomo haruwe edo yaasuwei nomo, ere ada umugo boya.

⁷⁵Onou waha bona saini oruwa ere agege auma yafa boya, onowou tgini no gau tuna waha la golo gedenga, onowou hilou-hilou no gau tuna waha ere edo bolo higonbona.

⁷⁶Oo yame magana, ne iinga lehinod bode, ne Itou Gai Ouwe la nomo profet hinodbode. Ne Anyakaro nomo yala haiya fu bonahe, amuge tudu goyau ganga.

⁷⁷Ne nomo fai-aita bagu isisiwou nigahenga, nere isodbode, no nomo aau warou anyakaro langa, Itou no nere nebere une uulu nagi bona ege gidu hani gonbona. No ha laluwa nomo hamba huuru wonga ere langa medu,