Lucas 1:66-77

⁶⁶jaskaibu dasibibun ninkakin unain jaskakenan: “Diosun ja bake yumewaidan, jaskadada ixanikika”, iki ja bakekidi janchanibukiaki.

⁶⁷Juanen epa Zacarías Yushin Pepatun kushipa wa janchakin Dios kenwain Dios janchaxunkin yuikin:

⁶⁸“En Xanen Ibu pepa Israelitabun Diosuun, min ma minabu medabewakin jatu pekakin akawai jushianwen taexun en mia kenwaiin.

⁶⁹Min tsuma Davidin baba betsa kushipajaida mekenan kayabi nuku anu min ma nuku nichinxunshinaki.

⁷⁰Nukun xenipabu jatu yubai jakidi jabias min jancha yuinxunika medibi tibi min jatu janchamapaunidan,

⁷¹jawen taexun nukuki sinatamisbu inun, dasibi nuku dananmisbu min jatu jawen maemakin nuku paxawatiduki.

⁷²Jaska bebunkidi nukun xenipabu jawawen jatu jaska wati nuii jatuwen yubakai jatukidi jancha medibi wai min janchapaunidan, jakimama min shinaiin.

⁷³Jaska jawen kanetima wai nukun xenipabu Abraham min jabe yubakani natian min ma ana nuku shinankin bechipaiaii.

⁷⁴Ana tsua dateyabi nun jiwetidubuma inun nukuki sinatamisbu min jatu nuku daewaxunaki. Jawama nun mia dayaxuni

⁷⁵jaska chanima pepawen bestiwen medibitan nukun jiwea jidabiwen mia bebun nun pe nikatsis ikaii, itan

⁷⁶janua epaan, miadan, ‘Dios dasibi binu keyuatun yuixunikaki’, iwanan, mia kenaxankanikiki. Janu nukun Xanen Ibu Mesías juxanai bebunkidi jawen bai min jatu pewamaxunxanaii,

⁷⁷jau jawenabun jatun chakabuwen taea Dioski mesekin jatun shinan chakabu jenetan Dios buamatan jau meketi jiwea jatu inanxanunan.