Luka 4:25-40

²⁵A čačes phenav tumenđe: 'E but udovice sas ando Izrael ande vrjama kana sas o Ilija proroko, askal o nebo phandadilo pe trin brš thaj šov čhon thaj sas bari bok pe sasti phuv e Izraelošći.

²⁶Ali nijećhaće lendar nas bičhaldo o Ilija osim varesošće udovicaće ando gav Sarepto, savo sas ande Sidonsko krajo.

²⁷Thaj but gubavcurja sas ando Izraelo pale vrjama kano sas o Jelisej proroko ali ni jek lendar či šiladilo nego samo o Nemano Sirijco.'”

²⁸Thaj savora ande sinagoga zurale holjajle kana ašundine akava.

²⁹Uštile thaj tradinele avri andar o gav, thaj inđardinele po vrho e gorako kaj sas sazidome lengo gav te čudenles opral.

³⁰Ali vo nakhlo maškar lende thaj đelotar.

³¹Thaj avilo ando galilejsko gav savo akhardolas Kafarnaum, thaj sikavelas len savatone.

³²A von čudinaspe lešće naukaće kaj lesko svato sas pherdo sile.

³³Ande sinagoga sas varesosko manuš ande savo sas nečisto duho e benđesko, vo čhutas muj zurale glasosa:

³⁴“So kames amendar, Isuse andar o gav Nazaret? Avilan te uništis amen? Džanav tut, ko san. Tu san o Sveco e Devlesko.”

³⁵A o Isus zapovedisardas lešće: “Phandav ćiro muj thaj inklji andar leste!” O beng haradales angle savorende, inkljisto andar leste, thaj ni cara či naudisardas lešće.”

³⁶Savora sas začudime thaj phenenas jek avrešće: “Sosko si godova svato, te e vlastosa thaj e silasa zapovedisarel e nečiste duhonenđe, thaj von inkljen avri?”

³⁷Thaj o glaso pale leste buljilo pe sa e okolne thana.

³⁸Kana inkljisto andar e sinagoga, dija ande Simonesko ćher. E Simonešće sokra astardas e bari groznica, pa zamolisardine les te sastarel lat.

³⁹Vo banđilo paše late thaj zapovedisardas e groznicaće te mućela thaj e groznica nestanisardas. Voj odma uštili thaj počnisarda te služilen.

⁴⁰Kana nakhlas o savatosko đes, sa e nasvalen katar razne nasvalimata, anenas len ko Isus, a vo pe savorende čholas pire vas, thaj von sastonas.