LUKA 2:40-52

⁴⁰Bena mero na e bada, mai goadana bona mai aonegana ida, bona Dirava ena hariharibada na ia latanai.

⁴¹Laḡani iboudiai tamana bona sinana Ierusalem e laova, Lagau-hanai Ariana negadia.

⁴²Bena Iesu laḡanina ihagwauta-ruana ai, tatoiosi na una Aria ikarana totona Ierusalem ma e dara dae.

⁴³Aria dinadia e ore, bena idia vada e lou, to Iesu na Ierusalem ai e noho. Tamana sinana na asi dibadia;

⁴⁴idia banava ia na laolao taudia bogaragidiai eto. Bena dina ta e raka, murinai varavaradia bona turadia dekediai e tahua.

⁴⁵Asie davaria, taunabunai Ierusalem e lou henia, ma e tahua.

⁴⁶Dina ihatoina ai, idia ese Dubu Helaḡa lalonai e davaria, hahediba taudia bogaragidiai e helai, edia hereva e kamonai bona e nanadaidia danu;

⁴⁷erena e kamonai taudia iboudiai na ena lalo-parara bona ena haere e hoalai.

⁴⁸Raruosi e itaia, e hoa, bena sinana ese e hereva henia, eto, Natugu e, dahaka dainai ini o karamai toma? Lau tamamu ida vada a tahumu lai tahumu taimu.

⁴⁹A ia eto, Dahaka dainai o tahugu? Asi dibamui Tamagu ena ruma be egu noho rumana?

⁵⁰Ena hereva e kamonai, to lalodia asie parara.

⁵¹Ia na idia ida Nasaret ela, bona e kamonai henidia; a sinana ese ini hereva iboudiai e lalo tao.

⁵²Bena Iesu e bada-oho bada oho mai aonegana ida; Dirava bona taunimanima ese e ura heniava.