LUUKA 2:40-52

⁴⁰Dhali a’ci ca’d mo dhali ’bidhu is mo dhali ’tu’du mo ki moyuḵ mo. Dhala ’the ma Arumgimis c̱a’bki’da p̱o/ a’di mo be.

⁴¹Dhali com dhali kum uni iikin isa yempa/ e Pa Urushaliim mo ki yil mo gom Mompe’kup̱anyolos mo be.

⁴²Dhali ki a’di ’kona yili ’kume’d i’ce’dka su/ mo tani uni iikin mo me’d isi mii jin miinu mo be.

⁴³Dhali ki Mompe’kup̱anyolos ’baarki’d mo tani me’d jin doḵkina uni bway pa mo tani aYesus jin ta’da ’ci a’di c̱a’bki’d mo ŋ’ko’di uni mo e Pa Urushaliim mo. Com dhali kum ’koki mish a’di mo,

⁴⁴hili uni ṯoshkin ki a’di midi di i bwaŋ ’kwani mo tani uni iikin ka tee iiyan mo dhali uni ŋap̱ki a’di mo e bwaŋ ’kwani ma bas buni mo dhali ’kwani kun misha uni mo.

⁴⁵Dhali ki uni ’koki gam a’di mo tani uni doḵkin ka nyaŋ’ko’d mo e Pa Urushaliim mo dhali ŋap̱ a’di mo.

⁴⁶’Ko’da cim kwara mo tani uni gamki a’di mo e gu’b gi mondheleladhelel mo mmoc̱a’b mo e bwam imanṯor gwo mo mmociḵ gwo ’peni uni mo dhali mmodoṯ uni gwondoṯ mo.

⁴⁷Dhali aris uni kun ciḵ a’di mo tani uni merkin mo gom a’di mo mmomisha a’di gwo ’ban mo dhali gwonthoḵ piti mo be.

⁴⁸Dhali ki uni p̱arki a’di e mo tani uni merkin mo dhali ata’dam piti ki o a’di gwo mo ki: Ya/um, atinta miina /e aman wakan mo? Hili mo mo ma. Babam pini dhali aha/, aman ŋap̱kina /e ki mo/anan is mo be.

⁴⁹Dhali a’di ki o uni gwo mo ki: Atinta ŋap̱kina um aha/ mo? A/’kona um ki mish mo mowa ki aha/ mina mii di e gu’b ma Babam pem mo?

⁵⁰Dhali uni mol gwom piti ’ban jin ona a’di uni mo be.

⁵¹Dhali a’di ya’d ka luŋgu’b nyaḵki uni mo dhali p̱u’d mo e Pa Naasira mo dhali a’di haki gwom buni e mo, dhali ata’dam piti a’di kulumki’da ris to gwansan eya dum piti mo be.

⁵²Dhala Yesus maru moyuḵ is mo dhali a’di ’tuntilkina buŋgwar is mo dhali ki yil mo, dhali ka ’the ma Arumgimis mo dhali ki jiŋ ’kwani mo be.