Luke 2:40-52

⁴⁰Ivren sen ni tie ninkon u mre ma ndindi ni babran kpukpome, ndindi (Alheri) u Irji he ni wu.

⁴¹Ba tie ma ba hi Wurishelima ko wa ni ise ni ngan (Idin Ketarewa).

⁴²Wa-a tie si wulon don ha, u ba rji hi ya da ba hi ni Idin.

⁴³Ka ba kle tie ro'a na kma si hi, u vren'a Yesu, wa zu kukri ni kogon ri ni mi Wurishelima a na ni toh ba iyima na.

⁴⁴Ba zren ya ndi a he nimi ba ndji wa ba si hi baba'a, u ba zren u vi rhi (1). Nda lu ni wa'u nimi ba mlan mba ni kpukpan mba.

⁴⁵U wa ba na to'u na, ba kma hi si wa'u ni Wurishelima.

⁴⁶U ni vi u tra mba, ba to'u nimi koh Irji, a son ni tsutsu ba bi tsro, asi sren ton si wo ba nda si mye ba.

⁴⁷Biwa basi wo wu wawumba ba tie sissri (mamaki) ni toh tre wa ahe niwu.

⁴⁸U ba ka toh, na tie sissri iyima myen inge ba sa u tie nna ki ni ta wu bu tie me, kisi wa wu, ni suron nfu.

⁴⁹A mye ba, “bi si wa me ni nge, bina toh ndi abi dun mi son ni koh tti mu na?”

⁵⁰U bana toh tu tre wa a tre ni ba na,

⁵¹Wa kma huba hi ni koh ni Nazarat na ni wo tre mba. U iyi ma a nji kpe wa atie gbangba nimi suron ma wawu.

⁵²U Yesu gburon ni hon ni tiya ni toh tre ni tagoma, Irji mba ni ndji me.