LUKA 21:6-10

⁶“Ninga momwe muli kowoneramu bzinthubzi, idzafika nthawe yomwe mun'dzawona lini mwala udasanjika padzulu paundzace.

⁷Ndipo Iwo adamubvundza Jezu kuti: “Misiri, kodi bzin'dzacitika lini bzimwebzo? Kodi n'cizindikiro canyi comwe tin'dzawona bzikadzakhala bzin'funa kucitika?

⁸Na tenepo iye adawatawira kuti: “Cenjerani kuti muleke kunamizidwa na wanthu. Thangwe azinji an'dzabwera mudzina langu acimbadzalewa kuti: “Ine-pano ndine omweyo caiye-iye. Ayai kuti: “Yafika kale nthawe”. Tsono lekani kudzawabvera.

⁹Ndipo mukadzabva kuti kuna nkhondo na masandulikidwe ya bzinthu, lekani kudzabva mantha. Thangwe bzin'funika kuti bzicitike bzimwezo. Tsono kumala kwa dziko kundzakhaliratu lini panthawe imweyo.

¹⁰Na tenepo iye adawawuza pomwe kuti: “Dziko na Dziko yan'dzapindukirana, umambo na umambo bun'dzapindukiranambo.