SAN LUCAS 21:6-10

⁶―Nducuahn dehtenduh che ta̱hchan ca̱h che rendihchero nchuhn ne, nda̱ ro che hua cota̱ve da̱ma nde o tu che ndahto vih.

⁷Tumerune ihyan chahn: ―Ihyan Ricuahn, ¿ticua̱hn conahn che ra̱hn ne me ne? ¿Deh vederihno co ran cuahn che a nun conahn ne?

⁸Ra̱hn Dihvo vo: ―Cuihco nchuhn cuda̱do che hua cahncheh nde a̱ma ihyan nchuhn, te a̱ma ya̱hn sa̱hn rihncheh nda̱ se, ne ca̱hma queri a̱ma se te a ma̱n se ihyan min che a va ca̱de che dechuh Dendiohs, ndedevahn ye ihyan iyehnse. Namin ca̱hma se: “A cochi nino ro.” Ate rá̱hn rí nchuhn che hua tumaca̱h ne yahn se.

⁹Cuahn che cahnevan nchuhn che va ca̱nda ma̱n, che rahteruhn ihyan nduco vih ma̱n ne, hua dehve dihya nchuhn co, te a tihca̱ va che co mena̱n vih. Ate ro min ne, ametah conahn nducuahn.

¹⁰’Va̱n nación ne, cuana̱n canda, ne cuahtecuhma a̱ma ihyan che rihquentiyon ye nduco ta̱ma ye.