6 “Ninga momwe muli kowoneramu bzinthubzi, idzafika nthawe yomwe mun'dzawona lini mwala udasanjika padzulu paundzace.
7 Ndipo Iwo adamubvundza Jezu kuti: “Misiri, kodi bzin'dzacitika lini bzimwebzo? Kodi n'cizindikiro canyi comwe tin'dzawona bzikadzakhala bzin'funa kucitika?
8 Na tenepo iye adawatawira kuti: “Cenjerani kuti muleke kunamizidwa na wanthu. Thangwe azinji an'dzabwera mudzina langu acimbadzalewa kuti: “Ine-pano ndine omweyo caiye-iye. Ayai kuti: “Yafika kale nthawe”. Tsono lekani kudzawabvera.
9 Ndipo mukadzabva kuti kuna nkhondo na masandulikidwe ya bzinthu, lekani kudzabva mantha. Thangwe bzin'funika kuti bzicitike bzimwezo. Tsono kumala kwa dziko kundzakhaliratu lini panthawe imweyo.
10 Na tenepo iye adawawuza pomwe kuti: “Dziko na Dziko yan'dzapindukirana, umambo na umambo bun'dzapindukiranambo.
