LUCAM 21:6-10

⁶Hæc quæ videtis, venient dies in quibus non relinquetur lapis super lapidem, qui non destruatur.

⁷Interrogaverunt autem illum, dicentes: Præceptor, quando hæc erunt, et quod signum cum fieri incipient?

⁸Qui dixit: Videte ne seducamini: multi enim venient in nomine meo, dicentes quia ego sum: et tempus appropinquavit: nolite ergo ire post eos.

⁹Cum autem audieritis prælia et seditiones, nolite terreri: oportet primum hæc fieri, sed nondum statim finis.

¹⁰Tunc dicebat illis: Surget gens contra gentem, et regnum adversus regnum.