Luka 10:9-32

⁹Sastaren e nasvalen save si ande godova gav thaj phenen lenđe: “Akaleja pašilo tumenđe o carstvo e Devlesko!”

¹⁰A kana den ande varesavo gav thaj či primintumen, inkljen pe lešće sokača thaj phenen:

¹¹Čak vi o praho andar tumaro gav, savo astardape pale amare pungre, khosas amendar sago o znako kaj o Del sudila tumenđe. Ali kava džanen: “Pašilo tumenđe o carstvo e Devlesko!”

¹²Phenav tumenđe: “Ando đes e sudosko maj loće avela e themešće andar e Sodoma nego e themešće andar akava gav.”

¹³Teško tumenđe manušalen andar e Horazine! Teško tumenđe manušlen andar e Vitsaida! Kaj te e čudurja save dogodisajle ande tutmende avilesas e manušenđe andar o gav o Tiro thaj ando gav Sidono, von već dumut obratisajlesas thaj bešlinesas ande hrapave thaj neudobne drze ando praho sago znako palo pokajanje

¹⁴Ali e manušenđe andar o gav Tiros thaj andar o Sidon po sudo avela majloće nego tumenđe.

¹⁵Vi tumen manušalen andar o Kafarnaum! Zar dži ko nebo avena vazdine? Dži ko Had haradona kaj si o tunjariko thaj e jag.

¹⁶Pale godova phendas e učenikonenđe: “Ko tumende čhol kan, mande čhol kan. Ko tumen odbacisarel man odbacisaren, a ko man odbacisarel okole savo bičhaldaman.”

¹⁷Kana e eftavardeš thaj duj učenikurja boldine pes bahtale phendine: “Gospode, čak vi e bilačhe duhurja pokorinpes angle amende ande ćiro alav!”

¹⁸A o Isus phendas lenđe: “Dikhlem e benđenđe poglavica sar perel sar e munja andar o nebo.

¹⁹Ake dijemtumen vlast te uštaven pe sapa thaj pe štipavcurja thaj pe sa e sila e dušmaješći thaj khanči či naškodila tumenđe.

²⁰Ali na raduintumen kaj e bilačhe duhurja pokorinpe tumenđe, Ali raduintumen zbog godova kaj tumare alava si ramome ande Devlešći knjiga ando nebo.”

²¹Ande godova časo o Isus pherdo bah ando Sveto Duho phendas: “Slaviv tut, Dade, Gospodarine e nebošće thaj e phuvjaće, kaj garadan ćiro čačipe katar okola save smatrin pes mudre thaj umne, a objavisardan e ciknenđe. Ej Dade! gajda tuće sviđosajlo.

²²Mungro Dad sa dijas manđ thaj khonik či džanel ko si o Čhavo, nego samo o Dad; niti ko si o Dad_ osim o Čhavo osim okova kasće o Čhavo godova kamel te objavisarel.”

²³Askal boldape ke učenikurja kana sas korkoro lenca thaj phendas lenđe: “Blago e manušenđe save dićhen okova so tumare jakha dikhen!

²⁴Phenav tumenđe: “But prorokurja thaj e carurja kamline te dićhen man, ali či dikhline man; thaj te ašunen man, ali či ašundine man!”

²⁵Jekhvar uštilo jek sikavno e Mojsiješće zakonestar thaj phučlas e Isuse te probiles: “Sikavneja, so trubul te ćerav te dav ando večno trajo?”

²⁶A vo phendas lešće: “So ramol ando Mojsijesko zakono? So okote čitosardan?”

²⁷Askal o manuš phendas “Čumide e Gospode Devle ćire će saste ileja, ćire saste dušava, ćire saste snagasa ćire saste gođasa, thaj volisar ćire pašutne sago kaj volis korkoro tut!”

²⁸Pe godova phendas lešće o Isus: “Lačhe phendan. Godova ćer thaj avelatu večno traija.”

²⁹Ali vo lija te sikavelpe pravedno, thaj phučla e Isuse: “A ko si mungro pašutno?”

³⁰A o Isus phendas: “Varesosko manuš fuljelas andar o Jerusalim ando gav savo akhardolas Jerihon. Thaj astardine les e razbojnikurja. Von čhudine lestar e drze, mardinele thaj đeletar. O manuš ačhilo te pašljol opaš mulo.

³¹Slučajno godole dromesa naćhelas varesosko židovsko rašaj, dikhlale thaj nakhlo gajda kaj zaobiđisardale.

³²A gajda vi o levito rašajesko pomoćniko: nakhlo kotar, dikhlale thaj nakhlo paše leste.