لُكِ 10:9-32

⁹وٌ شَ نَ قُرٍ مَيٍ رَيَلَن، وٌ عَ مَسٍن نَاكَيٍ بّ، ‹عَلَ شَ مَنفّيَ نِينِ بَرَ مَكْرّ وٌ رَ.›

¹⁰كْنْ وٌ نُ سٌ تَا نَشَن يٌ كُي عٍ مُ وٌ رَ سّنّ، وٌ شَ سِفَ تَا تَفِ نّ، وٌ عَ مَسٍن مِشِيٍ بّ،

¹¹‹هَلِ وٌ شَ تَا شُبٍ نَشَن كَنكَنشِ مُشُ سَنيِيٍ رَ، مُشُ بَرَ عَ رَكْنكْن عَ شَ قِندِ سٍيدٍحْشْيَ رَ نَشَن بَشِ وٌ شِلِ مَ. كْنْ وٌ شَ عَ كٌلٌن نّ، عَ عَلَ شَ مَنفّيَ نِينِ بَرَ مَكْرّ.›

¹²ﭑ شَ عَ قَلَ وٌ بّ، كِيتِ سَ لْشْي، كِيتِ قَنمَ سٌدٌ مَ بّ دَنفِقٍ نَ تَا رَ.»

¹³«فبَلٌي نَ وٌ بّ، كٌرَ سِنكَيٍ! فبَلٌي نَ وٌ قَن بّ، بٍتٍسَيِدَكَيٍ! كَابَنَكٌ نَشٍيٍ رَبَ وٌ تَفِ، شَ نٍيٍ سَ رَبَ تِرٍ نُن سِدْن نّ نُ، عَ عَ لِمَ عٍ تَن بَرَ تُوبِ نُ عَ رَكُيَ، عٍ دْشْ سُننُن دٌنمَ رَفٌرٌشِ عٍ مَ، عٍ تّ شُبٍ مَسٌ عٍ مَ عٍ شَ تُوبِ تْنشُمَ رَ.

¹⁴كِيتِ سَ لْشْي شْرْشْمَ وٌ تَن مَ دَنفِ تِرٍكَيٍ نُن سِدْنكَيٍ رَ.

¹⁵عِ تَن كَثّرّنَمُ فٌ، عِ حْشْ عَ مَ عَ عِ تٍمَ هَن عَرِيَننَ كُي؟ عَدٍ، عِ رَفٌرٌ مَ نّ هَن يَهَننَمَ.»

¹⁶عِسَ مَن نَشَ عَ قَلَ عَ قْشِرَبِرّيٍ بّ، «نَشَن نَ عَ تُلِ مَتِ وٌ رَ، عَ كَنيِ عَ تُلِ مَتِشِ ﭑ تَن نَن نَ. نَشَن نَ تٌندِ لَدٍ وٌ رَ، نَ كَنيِ تٌندِشِ لَدٍ ﭑ تَن نَن نَ. نَشَن نَ تٌندِ لَدٍ ﭑ تَن نَ، نَ كَنيِ تٌندِشِ لَدٍ ﭑ شّيمَ نَن نَ.»

¹⁷عِسَ قْشِرَبِرّ تٌنفٌ سٌلٌقٍرٍ عَ نُن قِرِن نَشَ فبِلٍن سّيوّ كُي، عٍ عَ قَلَ عَ بّ، «مَرِفِ، مُشُ نَ يَامَرِ قِ عِ شِلِ رَ، هَلِ حِننّيٍ، عٍ مُشُ شُي رَبَتُمَ.»

¹⁸عِسَ نَشَ عَ مَسٍن عٍ بّ، «ﭑ بَرَ سٍنتَنّ تٌ بِرَ رَ كٍلِ كٌورٍ مَ عَلْ سٍيَمَكْنيِ.

¹⁹عَ مَتٌ، ﭑ بَرَ نْي قِ وٌ مَ وٌ شَ حّرّ بْشِمَسٍ نُن تَلِ مَ، ﭑ نْي قِ وٌ مَ يَشُي سٍنتَنّ شَ سّنبّ بِرِن شُن. نَ بِرِن كُي، سٍسٍ مُ وٌ تٌمَ.

²⁰كْنْ وٌ نَشَ سّيوَ شّ حِننّيٍ تٌ وٌ شُي رَبَتُمَ. وٌ شَ سّيوَ نّ بَرِ مَ وٌ شِلِ سّبّشِ عَرِيَننَ.»

²¹نَ وَشَتِ، عِسَ نَشَ سّيوَ عَلَ شَشِلِ سّنِيّنشِ سَابُي رَ، عَ عَ قَلَ، «بَبَ عَلَ، كٌورٍ نُن بْشِ مَرِفِ، ﭑ بَرَ عِ تَنتُ عِ تٌ يِ قٍيٍ نْشُنشِ لْننِلَيٍ نُن شَشِلِمَيٍ مَ، عِ عٍ مَسٍن دِ مّدِيٍ بّ. عِيٌ، ﭑ بَبَ، ﭑ بَرَ عِ تَنتُ بَرِ مَ عِ كّنّن قٍ نَن يَ.»

²²«ﭑ بَبَ بَرَ قٍ بِرِن تَشُ ﭑ نَ. مِشِ يٌ مُ عَلَ شَ دِ كٌلٌن، قٌ بَبَ عَلَ. مِشِ يٌ مُ بَبَ عَلَ كٌلٌن، قٌ عَلَ شَ دِ، عَ نُن عَلَ شَ دِ نُ تِن عَ مَسٍندٍ نَشَن بّ.»

²³عَ نَشَ عَ يَ رَقِندِ قْشِرَبِرّيٍ مَ، عَ عَ قَلَ عٍ بّ عٍ شَتِ مَ، «سّيوّ نَ مِشِ بّ، نَشَن قٍيٍ تٌمَ وٌ يَ نَشَن تٌشِ!

²⁴ﭑ شَ عَ قَلَ وٌ بّ، نَمِحْنمّ نُن مَنفّ وُيَشِ بَرَ وَ عٍ شَ قٍيٍ تٌ وٌ نَ نَشٍيٍ تٌقٍ، كْنْ عٍ مُ عَ تٌ. عٍ بَرَ وَ عٍ شَ قٍيٍ مّ وٌ نَ نَشٍيٍ مّقٍ، كْنْ عٍ مُ عَ مّ.»

²⁵لْشْ ندٍ، سّرِيّ لْننِلَ ندٍ تٌ نُ وَ مَ عِسَ مَتٌقٍ، عَ نَشَ تِ، عَ عَ قَلَ عَ بّ، «كَرَ مْشْ، عَ لَنمَ ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ؟»

²⁶عِسَ قَن نَشَ عَ مَشْرِن، «مُنسٍ سّبّشِ مُنسَ شَ سّرِيّ كُي؟ عِ عَ قَهَامُشِ دِ؟»

²⁷سّرِيّ لْننِلَ نَشَ عَ يَابِ، «عِ شَ عَلَ شَنُ عِ بْحّ بِرِن نَ، عِ نِي بِرِن نَ، عِ سّنبّ بِرِن نَ، عَ نُن عِ شَشِلِ بِرِن نَ. عِ مَن شَ عِ نفَشَكٍرٍنيِ شَنُ عَلْ عِ عِ يّتّ شَنُشِ كِ نَشّ.»

²⁸عِسَ نَشَ عَ قَلَ عَ بّ، «عِ شَ يَابِ قَن. شَ عِ نَ رَبَ، عِ كِسِمَ نّ.»

²⁹كْنْ سّرِيّ لْننِلَ تٌ نُ وَ مَ عَ تَن شَ كٌلٌن تِنشِنتْي رَ، عَ مَن نَشَ عِسَ مَشْرِن، «كْنْ ندٍ قِندِشِ ﭑ نفَشَكٍرٍنيِ رَ؟»

³⁰عِسَ نَشَ وْيّنيِ تٌنفٌ، عَ عَ يَابِ، «شّمّ ندٍ نُ نَ كِرَ شْن كٍلِقٍ دَرِ سَلَمُ فٌرٌقٍ رَ يٍرِكٌ. مُحّتِيٍ نَشَ دُتُن عَ مَ، عٍ عَ شَ دُفِيٍ بِرِن بَ عَ مَ، عٍ عَ بْنبْ، عٍ عَ لُ عَلْ قَشَمِشِ.

³¹عَ نَشَ عَ لِ، سّرّشّدُبّ ندٍ نَن نُ قَقٍ نَ كِرَ شْن مَ. عَ تٌ نَ شّمّ تٌ سَشِ كِرَ رَ، عَ نَشَ دَنفِ كِرَ سّيتِ بٌورٍ رَ.

³²نَ مْولِ مَن نَ، لٍوِ دِ ندٍ قَن نَشَ قَ كِرَ شْن مَ. عَ تٌ نَ لِ، عَ شّمّ تٌ سَشِ كِرَ رَ، عَ قَن نَشَ دَنفِ كِرَ سّيتِ بٌورٍ رَ.»