Luk 4:14-21

¹⁴Odocob Jisas uqa Kis Gunna gagadic odoc uqaca bibilen Galili hatu ono ceseli nuen. Odocob uqanu je eu hatu alildogina eu cunugna ihoc len.

¹⁵Odi cocobi Juda agena cuha jonana iwaladen. Oodon age cunug uqa binan sulein.

¹⁶Odocob Jisas uqa Nasaret jobon calimei uqa ben menna ono nuen. Odocob Juda agena cuha deelna agena cuha jona len. Uqa gaid loloiwe eu odi len. Odocob Anutna jaqec je oso sanijecnu tawen.

¹⁷Caji tatawen oso uqa je hahun madec dana Aisaiana buk ebenna men. Odocob buk eu qosocdumei je oso walimei sanijimei maaden:

¹⁸“Tibud sawen dana cajaca me je qasali maadecnu mool joiten. Eunu Tibudna Kis eu ijaca bilia. Uqa dana cajaca gihacdocna bilegina eu age gihacdocnadec besiadecnu je maadigennu sulten. Uqa dana amaga galuc mec bilegina haun mecioqagannu je maadigennu sulten. Ija aaqati tootooadec dana cajaca cahahaadigennu sulten.

¹⁹Odimig ija qila saen ina Tibud uqana dana cajaca cahahaadecnu hoia ec maadigennu sulten,” aden.

²⁰Odocob Jisas uqa buk eu menimei cesuldoc dana eu ceseli utimei toni bilen. Oodon dana cunug cuha jona bilein age amaga cunug Jisas himec mecidoin.

²¹Odocob uqa maaden, “Anutna jaqec je i age dah memegin ija sanijiga eu qila mele ihoc caleia,” aden.