Luk 4:14-21

¹⁴Nae Iesus ke galiu ta ine ngae Galili, ba Kannu E Tupu ginggingngana ke momo nge i. Minmina na kana turung ke loa kalaoveka nga inaeala bavakena.

¹⁵Na i ke palomatantana nga sinagogme, ba ragau kinung keke kalapagpage giana.

¹⁶Ngarume na i ke loa ta magapuna ae i ae Nasaret. Ba ka kae a Sabat, na i ke lu lakallo ta sinagog kurumea Iurame baingareangana te. Na ke maisi ta patonge pangamologame nga Lau Ae Nutu Kanna.

¹⁷Ba ka ina akalaungapagakana nga sinagog tunge lau a agau e toe Nutu kaona ae Aisaia paꞌe pala te i, na i ke sasapole ba ke kalipa ka malle nga pangamologa ore role roma:

¹⁸“Kannu E Tupu ke puli iau, minmina na i ke momo kala nge iau. Ke puli iau ta pulingmalagange pangamologa reke pepe ta ra sillolo. Ba i ke ba iau ta turunge pangamologa ta reke momo nga pulangkala nga baina ri ngeke kaꞌe pulangkala, ba ta ragau ra matarea kanname ke su nga baina ri ngeke kela muni. Ba i ke ba iau ta ravunglelenge ragau ra ri ke baisolali rea,

¹⁹ba ta turunglomatana roma, pesingmatana orae Nutu matea ragau kia ke lele tapu.”

²⁰Minmina nae Iesus ke lulugaliue lau ta tungagaliunge ta barangalele, na ke tara. Ba ragau reke momolu nga sinagog keke kelananne.

²¹Na i ke paturu ta pangamologa te ri roma, “Ka iau a pangamologa laekia ae miau ka longe sonrau mirana mannangana.”