ሉቃሴ 4:14-21

¹⁴ዬሱሴ ዓያና ጌኤሺ ዎልቄ ዔኪ ጌሊላ ባንሢ ማዔኔ፤ ዒዛኮ ሱ'ንፃኣ ዓጮ'' ቢያይዳ ዋይዚንቴኔ።

¹⁵ዓይሁዶ ዓሳ ቡካ ቤዞይዳ ቤዞይዳ ዔርዛኣና ቢያሢ ዒዛኮ ዔርዚፆሮ ዒዛ ጋላቴኔ።

¹⁶ዬካፓ ዬሱሴ ዒ ዲጬ ዓጮ''፥ ናዚሬቴ ዴንዳዖ ዒዚ ቤርታ ማዻ ጎይፆ ዓይሁዶ ዓሶኮ ሃውሾ ኬሎ''ና ዔያቶኮ ቡኪንቶ ቤዞ ጌሊ ናባባኒ ዔቃዛ፥

¹⁷ፆኦሲ ማሊፆ ኬኤዛ ዒሲያሴ ማፃኣፓ ዒዛም ዒንጊንቴም፥ ማፃኣፖ ዒ ቡሌ'' ዎዶ''ና ሂዚ ጌዒ ፃኣፒንቴ ቤሲ ዴንቄኔ፦

¹⁸«ፆኦሲኮ ዓያና'' ታኣም ዒንጊንቴኔ፤ ዬይ ያዺ ማዔሢ ማንቆ ዓሶም ኮሺ ሃይሴ ቱኡቴዞንሢም ቡሊ''ንቲሢ ሃይሴ ዓኣፖ ባይቄዞንሢም ዛጊሢ ሃይሴ ታ ኬኤዛንዳጉዲና ሄ'ርቂንቲ ዴማ'' ዎርቃዞንሢ ዓይላ''ታፓ ታ ኬሳ''ንዳጉዲ፤ ቢታንቶ ታኣም ዒንጋኒኬ።

¹⁹ዬያጉዲ ሓሣ ጎዳ ፔ ዴሮ'' ዻቂሻንዳ ዎዳ'' ሃማታሢ ታ ኬኤዛንዳጉዲ ታና ዳኬኔ።»

²⁰ዬሱሴ ማፃኣፔሎ ጳንጪ ቤርታ ዔቄ ዓሢም ዒንጋዖ ዴዓዛ ዓይሁዶ ዓሶኮ ቡኪንቶ ቤዛ ዓኣ ዓሳ ጊዥ ጌይ ዒዛ ዛጊሢ ዓርቄኔ፤

²¹ዒዚያ፦ «ሓይ ሓሢ ናባቢንታንቴ ዒንሢ ዋይዜ ማፃኣፖ ቃኣላ'' ሓኖ'' ኩሜኔ!» ዔያቶም ጌዔኔ።