Luka 4:14-21

¹⁴Abaho Yesu kabwela isi ya Galilaya, nguvu ya Loho Yang'alile ikala hamoja nayo. Mbuli zake zibwililika mziisi zose za mmabehi.

¹⁵Kakala yofundiza mna zing'anda za kumpula Mulungu na kila munhu kamgwaa nhogolwa.

¹⁶Abaho Yesu kachola Nazaleti, hanhu kuyakulile. Mna isiku ya Kubwihila, kengila mng'anda ya kumpula Mulungu kamba viyatendaga. Kema yasome Maandiko Gang'alile.

¹⁷Kagweleligwa kitabu cha mtula ndagu wa Mulungu Isaya, kakifungula na kona hanhu handikigwe,

¹⁸“Loho wa Mndewa Mulungu kamgati mmwangu, kwavija kanisagula niwagalile wanhu wakiwa Mbuli Inogile. Kanituma niwapetele wagodekigwe kamba wolekesigwa, na waja wasuwameso walole, na kuwakombola waja wadununzigwe,

¹⁹na kuwalongela kamba saa ivika ya Mndewa kuwakombola wanhu zake.”

²⁰Abaho Yesu kakigubika ikitabu, kakibweza kwa msang'hanaji, abaho kakala hasi. Wanhu wose wakalile mng'anda ya kumpula Mulungu wamulola Yesu bunhuu.

²¹Nayo kasonga kuwalongela, “Chandikigwe muno, lelo kilawilila kamba vimuhulike.”