Luka 4:14-21

¹⁴Ɔŋɛ Wankɩ́hɛ́ túmi lɛkpa Yesu, oleyinkí yɔ́ Galilea ɔmátɔ́. Mʋ ɩwɩ asʋ́n lɛklɛɩ́ wa ɔmá ámʋ fɛ́ɛ́tɔ́.

¹⁵Oletsiá súná atɔ́ Yudafɔ ofíakpa, ahá ámʋ fɛ́ɛ́ bɛkanfʋ́ mʋ.

¹⁶Ɩnʋ Yesu léyinkí bá Nasaret, ɔtɩ́nɛ́á oletsiá dan. Fɛ́ alɩá otetsíá bwɛ́ á, ɔlɔyɔ Yudafɔ ofíakpa ɔkpʋ́nʋ́ ɔdakɛ́. Brɛ́á ɔlɔkʋsʋ́ yɛ́lɩɩ́ amʋ́ ansɩ́tɔ́ ɔbɛ́kla Bulu asʋ́n á,

¹⁷botsu Bulu ɔnɔ́sʋ́ ɔtɔɩ́pʋ́ Yesaia ɔwʋlʋ́ há mʋ. Ɔlɛsankɩ́ mʋ́ á, olowun ɔtɩnɛkʋá bɔwanlɩ́n wá bɛɛ,

¹⁸“Anɩ Wíe Bulu ladá mɩ́ ofúli. Ɩ́nɩ sʋ mʋ Ɔŋɛ́ bʋ mɩsʋ. Alalɛ́ mɩ́ ɔbɛ́ɛ, ndáa asʋn wankláán ámʋ ɔkan suna ahá ánɩ́ bʋma tɔtɔ. Ɔbɛ́ɛ, mbɛ́bláa nkpábi mbɛ́ɛ, masí amʋ́ ɩwɩ há amʋ́. Mɩ́ ambla ansibi abwiepʋ́ mbɛ́ɛ, mabwíí amʋ́ ansíbi. Ɔbɛ́ɛ mbɛ́bláa ahá ánɩ́ bʋdɛ amʋ́ ipiantɔ wa ɛ́ mbɛ́ɛ, malɛ́ amʋ́ ipiantɔ.

¹⁹Fówun mɩ́ amblɩ mbɛ́ɛ, anɩ Wíe ahá nwewúunbɩ lafʋn.”

²⁰Ɩnʋ olokuntá ɔwʋlʋ́ ámʋ, yínkía ha mʋ́sʋ́ ɔkɩ́pʋ, ɔlɔwɔɩ́ tɩ́á asɩ. Ahá ámʋ́ʋ́ bʋbʋ ofíakpa ɩnʋ ámʋ fɛ́ɛ́ besi bʋdɛ mʋ kɩ́ɩ díín.

²¹Ɩnʋ Yesu lɛ́bláa amʋ́ ɔbɛ́ɛ, “Ndɛ, Bulu asʋn wanlɩ́nhɛ́ anfɩ laba mʋ́tɔ́. Mʋ́ mlɩlanú á.”