Luka 4:14-21

¹⁴A Yesu di guri shɛ Galile fiige ki ni Fɛfɛɛrɛ Munaa gbɔɔrɔ ni. Wu mɛgɛ ki bi foro fiige ki bɛɛri ni.

¹⁵Wʼa bi sipyii kalaa pu Kilɛ-pɛɛŋɛ piyɛyɛ yi ni, sipyii pu bɛɛri di wu pɛlɛ.

¹⁶Yesu ya nɔ Nazarɛti ni, xuu wemu ni wʼa bii ge, na jé Kilɛ-pɛɛŋɛ puga ki ni cadɛɛngɛ ki ni, na yìri yere, kɔnhɔ wu Kitabu wu kalaa.

¹⁷A pʼi Kilɛ tudunmɔɔ Ezayi wo Kitabu wu kan wu mu. A wu wu ɲɔ mugi na xuu wa ta wà, lʼa ka wà na:

¹⁸«Kafɔɔ Munaa wa nɛ na, bani wʼa nɛ tìre, kɔnhɔ nɛ Kilɛ Jozaama jo la baa fɛɛ mu. Wʼa nɛ tun na nɛ wu buloo ni kasolemɛɛ faha, di fyɛnmɛɛ ɲɛmugunɔ yɛrɛ pye, di cɔnrɔmɔ fɛɛ wolo pu kanhama ni,

¹⁹di Kafɔɔ wo fɛrɛmɛ yee li yɛrɛ pye.»

²⁰Lee kadugo na a Yesu di Kitabu wu ɲɔ tɔ, na wu kan kapyebye wu mu, na diin, kɔnhɔ wu da pu kalaa. A Kilɛ-pɛɛŋɛ puga ki sipyii pu bɛɛri di ɲahaya kɔ le wu ni.

²¹Wee tuun wu ni a Yesu di ɲɔ kɔn na yu pu mu na: «Pe Kitabu jomɔ pe yʼa logo niɲaa ge, pee ɲɔ ya fa.»