LAASUUDEE 5 - Luda yã takada kↄ̃n Bokobaru yão

LAASUUDEE 5

Click on verse(s) to share them!

¹Tó n gaa Luda ua guu, ǹgↄ̃ kú kↄ̃n làakario. Ǹ sↄ̃zi ǹ à yã maa maa dɛ yↄ̃nkↄↄnↄ sa'ona gweela, zaakɛ aↄ̃ yãdↄ̃nasai bé è tó aↄ̃ yã zaaa kɛ.

²N lɛ́ tóngↄ̃ wãaro, ǹton wã ǹ yã o Ludanɛro. Lán à kú musu ń kú tↄↄtɛ nà, ǹton yã o pariro.

³Lán yãbↄkↄ̃tɛ parii è mↄ́ kↄ̃n nana'onao nà, lɛn yã pari bↄɛna è mↄ́ kↄ̃n yↄ̃nkↄyão lɛ.

⁴Tó n lù sɛ̀ Ludanɛ, ǹton à papana gurↄ gágaro. Ǹ à papa, zaakɛ yↄ̃nkↄↄnↄ yã è kánɛro.

⁵Lùsɛna Ludanɛ sai maa dɛ n lù sɛ̀nɛ papana saila.

⁶Ǹton tó n lɛ́ n da yãnlo. Ǹton o sa'orinɛ n bè n sã lùsɛna yãnlo. Ń yezi Luda pↄ fɛ̃nzi n yã pì yãnzi à zĩi kɛ̀ nɛ́ɛ kɛɛ kaatɛn yↄ́?

⁷Nana pari ona kↄ̃n yã pari bↄɛnao è mↄ́ kↄ̃n yã pãaomɛ. Beee yãnzi ǹgↄ̃ Luda vĩa vĩ.

⁸Tó ń è wèe gbãa mↄↄ takaasideenↄnɛ gukea, wèe giińnɛ kↄ̃n yãzɛdeeo wèe yã gↄ̃gↄ̃ↄńnɛ a zɛ́aro, ǹton tó yã pì bↄ n saɛro, zaakɛ bùsu pì gbãadeenↄↄ e wɛ́ɛ dↄↄkↄ̃nɛ, ben aↄ̃ gbɛ̃nsinↄↄ e wɛ́ɛ dↄↄńnɛ dↄ.

⁹Aↄ̃ píngi è bùsu pì baka blemɛ, zaakɛ kína bé à buraanↄ vĩ.

¹⁰Gbɛ̃ kɛ̀ ye ↄↄzi è kɛ̃sãa, gbɛ̃ kɛ̀ ye auzikizi àre è mↄ́aro. Beee nɛ́ yã pãamɛ dↄ.

¹¹Tó auziki e kaara, à blèrinↄ ègↄ̃ kaaramɛ. Bↄ́ àren à vĩ a diinɛ? À wɛ́ɛ biia baasiro.

¹²Zĩgbãakɛri è i nnaa o, baa tó à pↄ́ blè féte ke bíta. Auzikidee sↄ̃ pↄ́ parii è tó à ii oro.

¹³Ma nↄ̀sɛyakayã pãsĩ è anduna guu, gbɛ̃ke zɛ́ tàta a ↄↄdaalɛ à a zĩnda kari kɛ̀,

¹⁴ben à bↄkↄ̃tɛ zaaa kɛ̀o, à auziki kàatɛ píngi. Kɛ̀ à nɛ́gↄ̃gbɛ̃ ì, à pↄ́ke vĩ kɛ̀ à tónɛro.

¹⁵Gbɛ̃ntee è bↄ a da gbɛɛɛn bũumɛ. Lán à mↄ̀ nà lɛn è liara à tá lɛ dↄ, è a zĩ àre ke e à sɛ́ à na a ↄzĩ à táoro.

¹⁶Yã kɛ̀kii nɛ́ nↄ̀sɛyakayã pãsĩmɛ dↄ. Lán gbɛ̃ mↄ̀ nà lɛn è liara à tá lɛ dↄ. À ísimma gà à kpà à pɛ̀ gukoria pã, bↄ́ bé à gↄ̃̀nɛ?

¹⁷Beee gbɛra à a gurↄ dɛ̀ gusiaan kↄ̃n nↄ̀sɛyakana bítao kↄ̃n gyãao kↄ̃n pↄfɛ̃o.

¹⁸Ben má è à maa kↄ̃n gbɛ̃nteeo à pↄ́ ble à í mi à zĩi kɛ̀ à kɛ̀ kↄ̃n nawɛ̃ao anduna guu sáabu kpá a wɛ̃̀ndi zaka kɛ̀ Luda à gbà lɛ́n, zaakɛ à bakan gwe.

¹⁹Beee gbɛra tó Luda gbɛ̃ kà ↄↄdaaa kↄ̃n auzikio, ben à à gbà zɛ́ à aufãni kɛo, à zɛ kↄ̃n a bakao à a zĩ sáabu kpá. Luda bé à à gbà.

²⁰Ègↄ̃ laasuu lɛɛ a wɛ̃̀ndi zakaa pari dↄro, zaakɛ Luda bé à yã màa kↄ̃n pↄnnaao.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

LAASUUDEE 5123456789101112

LAASUUDEE 5
1
2
3
4
5
6
7
8
9
10
11
12