Text copied!
CopyCompare
परमप्रभु यावे आ लोव़ - उपदेसक

उपदेसक 5

Help us?
Click on verse(s) to share them!
1परमप्रभु आ खिं लनीनु, मूर्ख आन क्‍योरशा चढ़ेशो चढे़चा क्‍येङा परमप्रभु आ लोव़ होस पा नेंचा रिम्‍शो बाक्‍ब। मारदे हना मूर्खमी मरिम्‍शो पचा प्रोंइस मजोक्‍नीम। भजन संग्रह १५:१; यसैया ३३:१४-१६; मत्ती ५:२३-२४; १सामुएल १५:२२
2ब्‍वाक्‍चा कली मचुइक्‍‍तीन। परमप्रभु आ ङोंइती रीब पा लोव़ मपन। परमप्रभु स्‍वर्गमी बाक्‍ब। गे चहिं रागीम बाक्‍नीनी। मोपतीके शुश मब्‍वाक्‍कीन।
3दोपा शुश सुर्ता पतीकेम ङोमु ताइ‍नीमी, मोपा मूर्खमी शुश लोव़ पाइब। याकूब १:१९; मत्ती ६:७
4गे परमप्रभु आ ङोंइती कसम जनीनु, मेको खाप्‍चा कली देश मपने। परमप्रभु मूर्ख आन कली तशा मग्‍येरब। गे इन कसम जशो खाप्‍पीन। ब्‍यवस्‍था २३:२२; १सामुएल १:११,२८; भजन संग्रह ५०:१४
5कसम जशा मखाप्‍चा क्‍येङा, कसम मजशो रिम्‍शो दुम्‍ब।
6इ लोव़मी इ कली पाप मपपदल। मिनु परमप्रभु आ खिं ङा लोव़ कुरब कली “आं कबल पशो प्रेंदु बाक्‍त” मदेंनीन। इ लोव़मी पतीके परमप्रभु गाइश्‍शा इ गेय नेल्‍ल खतम पोक्‍ब।
7शुश लोव़ नु शुश ङोमुमी जाम्‍शा लाइब सेल्‍ब। मोपतीके परमप्रभु कली मान पा हिनीन। येरमीया २३:२७-२८
8राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६
9पिपमी रू ङा गेय पाइब आन कली अरेशा रिम्‍शो कोव़तु हना, मेको रागी रिम्‍शो दुम्‍ब।
10सुमी क्‍येट दाक्‍बा, मेको कली क्‍येटीमी गेनायो मजाक्‍दीप्‍ब। सुम शोंप दाक्‍बा, मेको मुर आ चेम्‍शोमी गेनायो मरूब। मेको यो जाम्‍शा लाइब बाक्‍ब। हितोपदेस २८:२२; लूका १२:१५
11शोंप शुश बारमेनु, मेको जाइबपुकी यो बारनीम। मिनु मेको होव़प कली कोव़चा ङा लाक्‍शा, अरु मार रिम्‍शो दुम्‍बा ङा?
12शुश गेय पाइब मुर दोशो जाप्‍तु हना यो, निन्‍द्रा पचा दाक्‍ब। तन्‍न शोंप पाइश्‍शो मुर आ शुश शोंपोम पतीके मेको कली निन्‍द्रा मजाक्‍ब।
13गो रागीमी थम श्‍येत लाक्‍चा ङा मरिम्‍शो पशो का तशो बाक्‍नुङ। मेको मार बाक्‍ब देंशा हना मुरुमी आंमा खतम दुम्‍चा कली शोंप तेल्‍शो बाक्‍ब। मत्ती १९:२२
14मेकोमी दोकका पा आ शोंप थुमा नोले, मेको के आल दुम्‍ब। मेना मेको आ गुइमी मारेइ मबाक्‍ब।
15मुर ममा आ कोव़ज रे पा शिश्रा जाक्‍ब। मिनु मेको दोपा जाक्‍मे, मोपान लेश्‍शा लाइ‍ब। मेकोमी आ श्‍येत पा चेम्‍शो मारेइ लाइक्‍चा मताइब। अय्‍युब १:२१; भजन संग्रह ४९:१८; १तिमोथी ६:७
16एको यो श्‍येत लाक्‍चा ङा मरिम्‍शो का बाक्‍ब। मुर दोपा जाक्‍बा, मोपान लेश्‍शा लाइ‍ब। मिनु मेको कली मार रिम्‍शो दुम्‍बा ङा? मारदे हना मेको आ पशो श्‍येत नेल्‍ल फश खोदेंशो दुम्‍ब।
17मुरुमी आन ब्रोंइतीक नाक्‍त सम्‍म श्‍येत पा जशा तूशा, हिंशा, रोइ पा, सुर्ता पाइनीम।
18मिनु गो मार ताता देंशा हना, परमप्रभुमी गेशो एको इच्‍का नाक्‍ती ब्रोंइतीकेमी रागीम जचा, तूचा नु आंम श्‍येत पा पशो गेयमी ग्‍येरसीचा मुर कली रिम्‍शो बाक्‍त। मारदे हना मेकोन, मेको आ भाग बाक्‍ब।

19मेको क्‍येङा लाक्‍शा परमप्रभुमी मुर आन कली शुश शोंप नु रूपुकी गेब। मिनु मेको कली मेको नेल्‍ल ताक्‍चा नु आंम गेयमी ग्‍येरशा बाक्‍चा गेब। मेको परमप्रभु आ गेतीक बाक्‍ब।
20मेकोमी आ ब्रोंइतीक नाक्‍त शुश ममिम्‍ब। मारदे हना परमप्रभुमी मेको कली आ थुंमी ग्‍येरपाइश्‍शा वोइक्‍ब। भजन संग्रह ७३:२६