10Hãmri nẽ kormã ma hapu hã mẽ hkôt mõ. Pa mẽ hkôt ri ixpa ho ixpa xwỳnhjaja ma hkôt ixpa.
11Rôm nhũm ra mẽ ixpê Ijaew nhõ pahijaja mẽ hkĩnhja kamã mẽ pikuprõnh xwỳnhjê kaêx ã Jejus japêr o ri mra. Nẽ hã axpẽn kukjêr o mra nẽ axpẽn mã: —Kwa nok? Nhỹri mãn we? Anẽ.
12Nhũm Ijaew piitã tanhmã axpẽn mã Jejus jarẽnh to ho pa. Nẽ kamã mẽ hkwỳjaja harẽnh o: —Nà kot amnhĩ to mex o pa xwỳnh na. Anhỹr o harẽnh o pa. Nẽ kamã mẽ hkwỳjaja axtem nẽ harẽ nẽ harẽnh o: —Tk. Kot mẽ no kupyr o pa xwỳnh kênã. Anẽ.