Jon 1:7-17

⁷I la arae tom fafas isi famalal fanu ini malal, isi fanu tikii rik unune.

⁸I tom biil e malal, i la sau isi fafas ini malal.

⁹Tekentu na malal ae i ta malal la usuf fanu tikii, ik tapiek mang aga na piklinbat.

¹⁰I kiis tah na piklinbat, ma piklinbat i tapiek sing i tom. Isau le fanu na piklinbat biil ri iliim u.

¹¹I la tah una maleh kia tom, isau le fanu kia tom biil ri ier isi.

¹²Isau le fanu tikii ae ri ka kep ta u ma ri ka unune tah na asa, ka somangat pes ta ri isi rin tapiek berberat ke God.

¹³Biil ri tapiek berberat ke God wara ri pang namin mat le namin wolwol ken kaltu le na sinangun fakekel, biil. God tom i fatapiek ri arae berberat kia.

¹⁴Orek ka tapiek kaltu, ma ka liu na fatpoto kemem. Kemem ka par ta u e memeh kia, i e memeh ke itikii sau e Kalalik ke God ae fuun ini famais ke tekentu.

¹⁵Jon i orek malal ini. I tautau ma ka tara aragii, “Igii mang e kaltu ae ia use ta u le, i mih pes iau, isau le i laumet lo iau, wara le i liu famu ta tom lo iau.”

¹⁶I fuun ini famais, ma tina famais kia, kerer tikii kere ka kep fafakalok fafamih.

¹⁷Moses i la ta ini nagogon usuf kerer, isau le Iesu Karisito i la ini famais ke tekentu usuf kerer.