John 1:7-17

⁷su tuku in fahkak nu sin mwet uh ke kalem sac, tuh mwet nukewa in lohng mwe fahk se inge ac lulalfongi.

⁸Tia el pa kalem sac, a el tuku in fahkak ke kalem sac.

⁹Pa inge kalem na pwaye — kalem se ma tuku nu faclu ac tolak mwet nukewa.

¹⁰Kas el nuna oasr faclu, ac God El nwe orala faclu kacl, a faclu tiana akilenul.

¹¹El tuku nu yen sel sifacna, a mwet lal sifacna tia eisal.

¹²Tusruktu, oasr kutu sin mwet uh eisal ac lulalfongi in el; ke ma inge el oru tuh elos in ku in ekla tulik nutin God.

¹³Elos tia ekla tulik nutin God ke inkanek in isusla lun mwet, ku ke lungse lun mwet, a ke oakwuk lun God.

¹⁴Kas el ekla mwet ac muta inmasrlosr, sessesla ke kulang ac pwaye. Kut liye wolana lal, wolana su el eis ke sripen el Wen sefanna nutin Papa.

¹⁵John el kaskas kacl. El wowoyak ac fahk, “Pa inge el su nga tuh kaskas kac ke nga fahk, ‘El tuku tukuk, tusruktu el fulat likiyu, mweyen el nuna oasr meet liki nga tuh isusla.’”

¹⁶Liki lungkulang yoklana lal el kalwenina in ase mwe insewowo nu sesr nukewa.

¹⁷God El ase Ma Sap kacl Moses, a kulang ac pwaye tuku kacl Jesus Christ.