Jon 1:7-17

⁷Me taibe watan oya uwane. Me eyawa oya taibe watan oya, sira iyayapan undag me gumbe anotumat atan oya.

⁸Me eyawa onan, megara me eyawa oya taibe watan oya uwane.

⁹Eyawa natawa me iyayapan undag gumbo esipewa me piyu mame uwatan aivi.

¹⁰Me piyu mame apa wakene, sira piyu mame me gumbe wadne, megara piyu mame me den yaug anone.

¹¹Me at meuma uwane, megara iyayapan meuma me den auya.

¹²Megara bira bira undag me auyawa sira me iviwa gumbe anotumat ayawa, God usitainawa atan oya yusiwa munne:

¹³Mu diyawa mumawa go kwapiwa anoanowawa go iyayapan ano mumawa gumbe den yaiya, megara God gumbe yaiya.

¹⁴Gae me kwapiven ane, sira me gunup wakene. Nu me eyawa meuma yautu. Eyawa mame me Usiwa desiromiren eyawa. Me Mamawa gumbe onne. Eyawa me ano oraiwa ge ano natawa gumbe noidauwane.

¹⁵Jon me me oya taibe wane. Me kwaruwag wane, “‘Apan da ne amanap uwapewa ne minan onan me yusipama, kuiyawa me ne namunap wakene,’ ne wait wanawa, me apan mame oya wana.”

¹⁶Me gumbe ano oraiwa noidauwane. Me gumbe nu undag ano oraiwa egave noidauwanewa autu.

¹⁷Kuiyawa Gwangwan Mosisi gumbe nunne, megara ano oraiwa ge ano natawa Iesu Keriso gumbe uwane.