San Juan 1:7-17

⁷Paymi llapa nuna chalapaculcänanpä acchïpi willaycul tantiaycachï śhamula.

⁸Juan'a manam quiquin acchïchu, sinu'a willacüllam puntamula.

⁹Rasun acchicá llapan nunacunäta acchinanpämi cay pachäman ñaćhapaycayämula.

¹⁰Pay'a cay pachäćhu ñam cayälaña. Masqui paywan cay pachäta Dios camayaptinpis, nunacunaca manam lisïtuculcälachu.

¹¹Caśhta-masinman śhamuptinpis, paycuná manam ćhasquipäculachu.

¹²Ñatac ćhasquiycul chalapacücunätam ichá, quiquinpa chulinpälä Diosninchic licaycun.

¹³Paycuna manam nunap chulinnüllachu, nï aychap munaśhallanmannu näsïpischu, sinu'a Diospa munayninmannümi.

¹⁴Ñatac Limayca nunaman muyulculmi ya'anchicwan cusca cay pachäćhu yaćhala. Rasunpa licapäculá, tantiapäculá Tayta Diospa japallan chulin maynu sumä caśhantam. Paymi sumä-sumä llaquipaynintawan rasuncällacta lisiycachimanchic.

¹⁵Paypïmi Bawtisä Juanpis willacula: “Paypïtamari nipäculac: ‘Ipäta śhamücá ya'apïta mas puydïmi; manalä cayaptí pay puntapi cayälañamá’ nil” nin.

¹⁶Chay sumä-sumä cuyacuyninpïtam yapalcul yapalcul llaquipaycamanchic.

¹⁷Ñatac Moisespïmi camachicuycätá ćhasquiycunchic; llaquipäcuycätawan rasuncätam ichá Salbacüninchic Jesuspi ćhasquiycunchic.