Iosua 5:10-14

¹⁰Isaraela nanatunaeao Giligali eai se miamia, asubena hesaudoudoi‐hasina eai pasova se ai Ieriko gonuna eai.

¹¹Pasova se ai e, maraitom nei eanua godibuna se aidi, keki nige obue se tore hinage, eo godibu se gabu hinage nei asubenana eai.

¹²Maraitom hinage nei eanua godibuna se ai, mana abo i lautom, Isaraela nanatunaeao mana nige se aiuio: Kanana tanona aiaina meta borimai abo se aidi.

¹³Iosua Ieriko hanahanauna eai i toro, i sanaloro, tau esau i ita nuanuana eai i totoro ena elepa nimana eai i abi nonohai. Iosua i lau ia arinai, i ribalau i ene, Abo u saguimai e, ama vaiunu abo u saguidi?

¹⁴I ene, Nigee, eau Guiau moutuana edi kapena ede ea laoma ta. Iosua tano eai ie guri matana eai i aihelahui, i ribalau ia arinai i ene, Egu Guiau ena heaheari arinai i ene edoha?