Zosua 5:10-14

¹⁰Totoso koa rina tie Izireli koari na dia ipi koasa pezara tata pa Zeriko pa Qiliqali, si tavetia rini sa Inevaṉa Pasova d pana veluveluna sa rane vina manege made pa sidara asa.

¹¹Pa koivugona si na dia rane kekenu sapu henai rini sari na ginani pu ta letedi pa Kenani, sari na ginani ta kinadi pa oela na bereti loke isitidi.

¹²Totoso asa si beto hoqa gore koa rini sa ginani pozana “mana”. Ke tiqe podalae henai rini sari na ginani pu ta letedi pa Kenani.

¹³Totoso tata kamo la pa Zeriko se Zosua, si dogoro va hodakia sa si keke tie, turu nana pa kenuna meke taṉinia nana si keke magu varipera. Ene la nanasia Zosua si asa, “Agoi si mae pude tokani gami, ba pude raza gami?” gua si asa.

¹⁴Meke olaṉa sa tie, “Arau si mae pude na koimata tanisa qeto minate te Zihova,” gua si asa. Ke hoqa oporapaha pa pepeso se Zosua. Vahesia sa sa Tamasa meke zama, “Qua baṉara, arau si na mua nabulu. Tozi nau gua sapu hiva nau goi pude tavetia,” gua si asa.