Iosua 1:4-10

⁴Barabara, eo teina Lebanani eai ie tubu, i lau e saga lai Eupatari eai, Hitaiti edi tano gamagaridi, i lau e gabogabo lailai mahana ena aba dui va, emi geregere meta.

⁵Em mauri asubenadi gamagaridi taba nige tau esau matam eai i toro: doha eau Mose maedana, eau hinage maedam: taba nige ea boraim, taba nige ea nuagabaem.

⁶U adidiri abo, eo u nuakipikipi: paana oea va teina tatao enadi abo u soi, doha tamadieao aridi eai ea aigoraeao, ea ne abo ea mosedi.

⁷Oa mo u adidiri abo, eo u nuakipikipi ariri, bena laugagaeo ohina egu heaheari Mose i lauhesom abo u abivataidi: laugagaeo va teha tutu, eo teha seuseuri tabu u lausuaraei, em aba lau gamagamagaridi eai abo u tubu bena.

⁸Teina laugagaeo bukana avam eai tabu i lautom: asubena to maieona, riba va u nuanuatuidi, abo u abivataidi hinage: abo em dobila i masaraha, eo em ginauri abo se loroesegai.

⁹Eau ea lauhesom va, e nigee? U adidiri abo, eo u nuakipikipi: tabu u matausi, tabu aruam se loi; paana ede Guiau em Eaubada maem, em aba lau gamagamagaridi ena.

¹⁰Iosua edi babada i heribakomakomanidi, i ene, Aiai au abinonohai, asubena haiona matada eai Ioridano abo au gaeoavasi, oea va abo au abi, Guiau emi Euabada abo i reava enamiu.