Josua 1:4-10

⁴Kiän fanüemi epwe seni ewe fanüapö mi nom ör tori ewe chuk Lepanon mi nom efeng, seni ewe chanpupu watte itan Oifrat mi nom ötiu, unusen ewe fanüen chon Hit tori ewe matau watte mi nom lotou.

⁵Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

⁶Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

⁷Kopwe chök apöchökülok o tipepwora, kopwe pwal tümwünüöchü om kopwe apwönüetä ekewe allük meinisin Moses nei we chon angang a allük ngonuk. Kosap fokun aleasolap ngeniir, pwe kopwe fefeitä lon meinisin mine kopwe föri.

⁸Kosap ükütiu le apworausa masouen ei puken allük, kopwe ekieki usun lerän me lepwin, pwe kopwe tümwünüöchü om kopwe apwönüetä meinisin mine a mak lon. Mürin kopwe feiöch o fefeitä lon meinisin mine kopwe föri.

⁹Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

¹⁰Mürin Josua a allük ngeni ekewe meilapen ekewe aramas,