IKUƆ́ NÌÙBƐ̀ 6:17-23

¹⁷Kɛ̀ ti Yiɛ̀ nKuyie nni nsɔkɛ́ ku nɑ́ɑǹtì kɛ́nɑ́kɛ́ Mɔyiisi kɛ dɔ̀:

¹⁸Nɑ́kɛ́ Anɔɔ nɛ̀ o bí kɛ tú: N yɛ̃ nkɛ̀ bɛ̀ yó n féútɛ́ fɛɔ̃̀fɛ̀ mɛyɛi ncĩ́ɛ̃́mmɛ̀ kpɛ́í mbɛ̀ɛ fɛ̀ nni nféútɛ́ mɛtɑummɛ̀ tou ììkɛ̀ bɛ̀ n feu dɛ̀ bɛ̀ tùɔ̀ nyì. Bɛ̀ fɛ̀ nni mpɑ̃mu.

¹⁹Ikuɔ́ nìùtì wèè kùɔ dɛ kó fɛɔ̃̀fɛ̀, weè dò nkɛ́ fɛ̀ di ò mɛ mbɑ́ɑ́ kɑri sɔ̃́ntíkoo kó dibòrì kɛ́ fɛ̀ cɑ̀ɑ́kɛ́, wèe kɑri mɛtɑummɛ̀ tou kó kudɑ̀nkù.

²⁰Kòo tɔù mɔù kɑ̀ɑ́kɛ́ dɛ kó kumɑɑ nhò kúmu, kɛ̀ mɛyĩ̀ĩ̀ mmɛɛ̀ mɛ ndɑ̀ri o yɑ̀ɑ̀tì, wèe tì ɔ̀ú dibòrì bɛ̀ tɑ̃ɑ̃tɛ́ dì dɛ kpɛ́í.

²¹Kɛ̀ bɛ̀ ì bèńnɛ́nɛ̀ tiyɑɑtì kó tɛkṹmbotɛ̀ kɛ dèè bɛ̀ɛ tɛ̀ pɔ̀ntɛ. Kɛ̀ disɔɔwũɔ̃̀ kpɛtɛ mɛ nni ntɛ bɛ̀ɛ tɛ̀ ɔ̀ú mɛsɑ̀ɑ̀.

²²Ikuɔ́ nìùbɛ̀ cɛ̃́ĩ kɔbɛ bɛɛ̀ bo nɑ kɛ́ ì di, dɛ kó imɑɑ ntu bɛ̀ m pɑ̃ ì nyi.

²³Kɛ̀ bɛ̀ n fèútɛ́ fɛ̀ɛ̀ ɔ̃̀fɛ̀ mɛyɛi ncĩ́ɛ̃́mmɛ̀ kpɛ́í nkɛ tɑnnɛ̀ fɛ yĩ̀ĩ̀ mmɛtɑummɛ̀ tou miɛkɛ kɛ dɔ̀ɔ̀ mɛyɛi ncĩ́ɛ̃́mmɛ̀ kó ikuɔ́ bɛ̀ɛ fɛ̀ cɔ́u.