Potiyovo 20

1

2

3

11

12

13

14

15

16

17

18

19

20

21

22

23

24

25

28

31

32

34

40

¹Maimaituwa niga giudi matabudi Islael lavedi i giuvitedina gado,

²“Tagu taunana Bada emi Maimaituwa, temi Idipmo konai taupaula yababa bi e kapotiyovomi.

³Temi nimemimo mote maimaituwa ḡesaudi koma voiyedi bi koma lauduneyedi. Tagu tauguḡa ko lauduneyegu.

⁴Temi nimemimo mote koikoitau koma voiye kitana mai bai galewemo e dobumo e nisa dibunemo.

⁵Bi koikoitaudi mote koma lauduneyedi. Tagu emi Maimaituwa tagu Bada unuunuligu. Tagu tauguḡa ko lauduneyegu. Magula mabai a dabodabokeguna ba tagu kaka natunatudi, iteitedi, nosinosidi bi waḡewaḡedi yà kovoḡidi.

⁶Bi kota tedi mabai tagu sa ḡoeḡoegu bi egu waiḡake sa kaikaiwata ba tagu egu ḡoe kenakenana tedi lisidimo ya kena nonoḡa, kimta ani iyaiyava kasaḡa nopodimo.

⁷Tagu Bada emi Maimaituwa mote isagu komai beyabeyakuluḡe, aiyai mainana ya voiyena ba yà kovoḡi.

⁸Waiyawasi laḡanna waiwaiyawina ko noḡoti bi ko vivile kauwe.

⁹Laḡan 6 nopodimo temi emi noya matabudi ko voiyedi,

¹⁰bi laḡan wai 7-na e vine te tagu Bada emi Maimaituwa lisigumo koi yawasi bi mote aiyai ima noya. Temi, natunatumi, emi taupaula oloolotodi bi waiwaivinidi, emi ḡamoḡamo bi tautavatava matabudi lisimimo sa miyamiyana ba mote sima noya.

¹¹Banina tagu Bada laḡan 6 nopodimo galewa, dobu bi nisa nopodimo mwali matabudi e voiyedi. Bi laḡan wai 7-nemo ei yawasi bi niga laḡanna e kavisuvisu bi e voiye te laḡan waiwaiyawina.

¹²Tamam bi tinam kwa viviledina ba tagu Bada em Maimaituwa niga dobuna yà vitevitemna noponemo em miya ya lofa.

¹³Mote lava kumai peki.

¹⁴Mote mwanem kuma vawaidoḡa.

¹⁵Mote kuma danene.

¹⁶Mote em tau kaiyovumo kumai wavu yababe.

¹⁷Mote em tau ena vanuwa, ee mwanena, ee ena taupaula olotona ee waivinina, ee ena bulumakau, ee ena donki bi ena pulapula ḡesaudi kuma kita konekonedi.”