Rafúdoo 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

¹Ánutufa maaqi qinoo.

²Qinée Yáaweesa ínni Ánutusa máridaqa. Qinée Isipa máqasaa rumbáranaki máruna ínni maréeqee maí quqáafanausa máridaqa.

³Ínnee sía moó ánutuna amooqiaqa, qiní kai qimooqiaqa.

⁴Ínnee sia innaarúnai mári ainainausa faqa maqásaa mári ainainausa faqa nammáriki mári ainainausa faqa nimana áuqusee maasá anutufee qiaqa.

⁵Minára sía moó áinaina amana áuqirana óorinni mapámufida innaaru qídaqa amooqiaqa. Qinée Yáaweesa ínni Ánutusa márunnanara sía mi ainaináusa nimooqiaqa. Qinee sía uqanna moó ánutunara qíananoo qiní qímaaqa máqaannoo. Faiqí qiníara fídiaqaa inausa aupúrarana nímiananoo misásaa faqa misá faiqi námu sáa faqa misá nínaiqimara sáa faqa nísáifaqausa sáa faqa máriannoo.

⁶Moómoosa qiníara rídaqa qiní sánda ufa mau fínausa qinée misá faiqi námu kásooaqee núkudara foora kambíqáinausa qeeqá dídirana uqannífiqaanaura.

⁷Ínnee sía qiní dúqunnai mandá óosana áuqaaqa. Qinee Yáaweesa ínni Ánutusa qiní dúqa fífau faafau ínausa aupúrarana nímianaura.

⁸Ínnee Sabáta fáasaanara náaquqara fáasaanee qímasee íriqa fuaqa.

⁹Dínni taikásee dínni ani moodáa marasée 6 fáasaana ínni aináinira fáasaana máriani.

¹⁰Dinni ani qaara marasée 7 fáasaanasaa qiní Yáaweesa adooára faasaana máridanoo. Mi faasaannásaa sía uqanna moodáafa faqa aináiniani. Ínnee faqa ínni faiqi námu faqa ínni aináinira faiqíuqa faqa ínni aandáuqa faqa ánaamuru ínniki ani máriasa faqa sía uqanna aináiniaqa.

¹¹Dínni taikásee dínni ani moodáa marasée 6 fáasaana qinée Yáaweesa innaarúna faqa maqá faqa ooruku námmari faqa mináuqaki mári ainaináusa faqa áuqí qíafana. Dínni ani qaara marasée 7 fáasaanasáa qinée qidooa qíafana. Minára qinée Yáaweesa Sabáta fáasaana afaaqóoqa qímasee náaquqara fáasaanee qídaqa.

¹²Ínneeqa nínausa níkausara qeeráiridaqa misá ufa qaindúsuaqa. Ínnee miqíqa qinée nímianna máqanasaa kísaaqasaa márifaranoo.

¹³Ínnee sía faiqí ánaasee núqu qímasee náruaqa.

¹⁴Ínnee faiqí ánaasee sia narí úmmuari narí úmuariaqa.

¹⁵Ínnee sía mooná aináina úmuariaqa.

¹⁶Ínnee sía akaqáusara únna qímasee misá kíkiqa ususée ufa nímia.

¹⁷Sía mooná maaqa umíasanara ámuqusiani. Sía mooná ánaaqara amukáani miná aináinira fasiqa anaaseera faqa misa aandáù ainainara faqa miná aiqáma ainainara faqa sía amukáani.

¹⁸Faiqí ánaasee aiqáma innaarúnai qírana faqa aakuasáa faqa ukeena firaaná faqa áaqanasaa idámuna namu faqa qáfoofanoo náindiri reenoo náaquqoofaqa níanasaa márida qáfee máriqau.

¹⁹Miqí másee misá rufíasee Mooseena qímamiqa qiqau. Ánutufa maasá qímaqiminaqa maasá irisée kúquanóora rufíaidaqa anée kai maasá qímaqiminaqa íria.

²⁰Mooseefa iriséenoo qímanniminau. Ínnee sía rufíaaqa Ánutufa ínni nimanamásee qáfáinaqa aiqáma kari minára rufíasee miná ameemaanai máridaqa numóo ainaina sía áuqaaqeera.

²¹Miqí qímasoofaqa faiqí ánaasee níanai márufanoo Mooseefa káì Ánutufa asukuna árira óonamuki máruna aaqá finau.

²²Yáaweefa Isaraee máqannaasa qímannímianifeera maaqí qímaseenoo Mooseena qímaminau. Qinée innaarúnaindari ínni faqa ufa qímarunaqa ínnee ínneeqa nífunnai miná qáfaafanoo.

²³Ínnee sía siruáannai faqa kóorannai faqa únna ánutuna amana áuqusee qiní Yáaweesa faqbaqa másee amooqiaqa.

²⁴Ínnee maqánnai qaindá áuqusee minásaa ínneeqa sipsípa faqa burimakáu faqa míniseeqa idá qáma taikára tátufirana suqásaifaqa faiqí anaasee qiní faqa moodáanaki kiaqa. Aiqáma máqusa ínnee qiní qimooqiaqéera utáaqama qáunna máqusanaki óonureeqa miqífaqa qinee ínnee iannai qumurée ámiqi ámiqimma nímaqaanaura.

²⁵Ínnee óoninnai qiní aidara áuqiraree qímasee sía faiqí rukámuqaa óoninannai áuquaqa. Ínnee faiqí rukámuqaa óoninannai áuquséeqa minásaa tatúfirana suqá qímirafa sía amanaikíannoo.

²⁶Ínnee sía áidara áuqusee minní àkarára írirasu áuquaqa. Ínnee miqíqa umeé nífaaqa kooroo ifáqa qáfeefoora.