Esɑi 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Gɑri yiniwɑ Yinni Gusunɔ u Esɑi Amɔtin bii sɔ̃ɔwɑ kɑ̃siru sɔɔ, Yudɑbɑ kɑ ben wuu Yerusɑlɛmun sɔ̃.

²U nɛɛ, sɑɑ dɑ̃ɑkɑ sɔɔ, ɡuu tèn mi Yinni Gusunɔn sɑ̃ɑ yerɑ ɡire, tɑ koo ɡuu ni nu tie bɛɛrɛ kerɑ, kpɑ bwesenu kpuro nu nɑ mi,

³nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

⁴U koo bwese dɑbinu siri, kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo mɑɑ nin yɑɑsi bɔɔri nu wobɑ so. Bweseru ɡɑrɑ kun mɑɑ ɡɑru seesimɔ. Bɑ ǹ mɑɑ ben bibu tɑbu toobu sɔ̃ɔsimɔ.

⁵Bɛɛ Yɑkɔbun yɛnuɡibu, i nɑ su dɑ su sĩ yɑm bururɑm sɔɔ, mɛ Yinni Gusunɔ u sun wɛ̃ɛmɔ.

⁶Yinni Gusunɔ, wee ɑ wunɛn tɔmbu Yɑkɔbun yɛnuɡibu deri, domi bɑ sɔ̃ɔ yɑri yeruɡibun sɑ̃ɑru mɔ̀. Mɑ bɑ wɔri dobo dobon kobu sɔɔ nɡe Filisitibɑ. Bɑ dɑ bɑ kɑ tɔn tukobu ɑrukɑwɑni bɔkuɑ.

⁷Ben tem mu sii ɡeesu kɑ wurɑ yibɑ. Arumɑni ye yɑ wɑ̃ɑ mi, yɑ ǹ nɔru mɔ. Tem mɛ, mu mɑɑ dumi yibɑ, kɑ tɑbu kɛkɛ sisuɡii yi yi ǹ ɡeeru mɔ.

⁸Bɑ bwɑ̃ɑrokunu sekɑ bɑɑmɑ. Mɑ bɑ nu yiirɑmmɛ bɑ sɑ̃ɑmɔ.

⁹Yen sɔ̃, tɔmbu kpurowɑ bɑ koo yiirɑ Yinni Gusunɔn wuswɑɑɔ bu tii kɑwɑ. Yinni Gusunɔ, ɑ ku bu ben durum suuru kuɑ.

¹⁰Yen sɔ̃, bɛɛ Yɑkɔbun yɛnuɡibu, i duo kpee bɑɑbɑ sɔɔ kpɑ i kuke wɔrusɔ i kɑ Yinni Gusunɔn nɑnum kɑ win yiiko dukɑ suuri.

¹¹Tɔ̃ru ɡɑrɑ sisi tè sɔɔ bɑ koo wi u tii sue kɑwɑ kpɑ bu Yinni Gusunɔ turo wɔlle suɑ.

¹²Domi wi, wɔllu kɑ tem Yinniwɑ. U tɔ̃ɔ te yi, tè sɔɔ u koo bɑɑwure siri wi u tii sue, kpɑ u nùn kɑwɑ.

¹³Tɔ̃ɔ te sɔɔ, u koo dɑ̃ɑ bɑkɑ ni nu ɡunu Libɑniɔ kɑ Bɑsɑniɔ kpeerɑsiɑ.

¹⁴Kpɑ u ɡuunu kɑ ɡunɡunu

¹⁵kɑ ɡbɑ̃rɑ dɑmɡinu kɔsuku,

¹⁶kɑ sere ɡoo nimkuu bɑkɑsu, ɡɑ̃ɑnu kpuro ɡesi ye bɑ kĩru bo.

¹⁷Tɔ̃ɔ te sɔɔ, bɑ koo wi u tii sue kɑwɑ kpɑ bu bwɑ̃ɑrokunu kpeerɑsiɑ. Yinni Gusunɔ turowɑ bɑ koo wɔlle suɑ.

¹⁹Sɑnɑm mɛ u koo se u tɔmbu nɑndɑsiɑ, tɔmbɑ koo du bu kuke kpee bɑɑbɑ sɔɔ kɑ wɔrusɔ, bu kɑ win dɑm kɑ win yiiko dukɑ suuri.

²⁰Tɔ̃ɔ te sɔɔ, tɔmbɑ koo ben bwɑ̃ɑroku ni bɑ sekɑ kɑ sii ɡeesu kɑ wurɑ bɑ sɑ̃ɑmɔ ɡunɔnɡuunu kɑ yɑnkɔ̃su deriɑ.

²¹Kpɑ bu du bu kuke kpee bɑɑbɑ sɔɔ kɑ wɔrusɔ bu kɑ Yinni Gusunɔn dɑm kɑ win yiiko dukɑ suuri.

²²Ǹ n mɛn nɑ, i ku bɛɛn nɑɑnɛ doke tɔnu sɔɔ. U sɑ̃ɑwɑ nɡe woo. U ǹ sɑ̃ɑ ɡɑ̃ɑnu.