Aisaya 2

2

5

6

7

9

11

35

40

42

49

50

52

53

54

55

56

58

61

64

¹God awaki Jiuda kubura da Jerusalem kwanatuna kamodiye inabera, na warana mmakatanina Eimos natuna Aisaiya iverenina.

²Raghani tughurina yapiipiika na mmkona awaki inatubugha: Koya meme Yawe God yana bare yamiimiiri na inamakewaghata. Touna inagee kirakii geware koya mududi naboni. Dam tupadi kubura debane na sinikabiriyeni nabo da sinakabepepa.

³Bi wawaya korotodi nabo sinanagho na sinawona bo, “Kopiika, tananagho Yawe God yana koyae, nabo tananagho Isrel kana God yana bareye. Name iniyeveveda da metagha tanamake bi yana kedae tanapepewa.” Basuna wiiyeveveyana na Zaiyonma inakanibu, bi Yawe God ivisisiya na wonana Jerusalem kamonama inakanibu.

⁴Raghanina dam siniaviya kabivivirana na God initupawamiwamiredi da yadi berona inakabiwiirotomani. Dam gisigisidi yadi wiigamowana inakabiwiidouvidi. Toudi yadi seri ghamadi sinakasiwiibena da roverove yewadi, bi yadi iyo sinakasiwiibena da wawa kana yewakwiikwii gisigisidi. Dam tana geyadi seri sinayouna bi dam tana siniaviyena mayedina, bi kate bada gewiirouwa kiiravine sinakabununaghana.

⁵Isrel dammi, kopiika, tanabera da Yawe God yana yeghane tanapepewa meko iviyevevedana.