1I swɑɑ dɑkio i nɔ, Isirelibɑ bɛɛ Yɑkɔbun yɛnuɡibu, bɛɛ be i yɑrɑ Yudɑn bweserun di, wee i bɔ̃rumɔ kɑ nɛ, Gusunɔ Isirelibɑn Yinnin yĩsiru, mɑ i mɑn nɔɔɡiru suemɔ, ɑdɑmɑ n ǹ mɔ kɑ ɡem.
2Bɛɛ be i Yerusɑlɛmun yĩsiru sɔɔwɑ, mɑ i tɑ̃sɑ nɛ Gusunɔ, Isirelibɑn Yinni sɔɔ, wi bɑ sokumɔ wɔllu kɑ tem Yinni, i swɑɑ dɑkio i nɔ.
3Sɑɑ yellun di, nɑ derɑ bɑ ɡɑ̃ɑ ɡbiikinun ɡɑri ɡeruɑ. Bɑ yi ɡeruɑ i nuɑ. Mɑ nɑ derɑ yi koorɑ subɑru sɔɔ.
4Nɑ yɛ̃ i tɑu, mɑ i wĩiru bɔɔbu, mɑ bɛɛn sirikɑnɑ dɑm mɔ nɡe sisu.
5Yen sɔ̃nɑ nɑ bɛɛ yeni kpuro nɔɔsiɑ sɑɑ yellun di. Nɑ bɛɛ ye nɔɔsiɑwɑ yu sere tunumɑ, kpɑ i ku rɑ kɑ ɡere i nɛɛ, bɛɛn bũuwɑ u ye koosiɑ. Ǹ kun mɛ i nɛɛ, bɛɛn bwɑ̃ɑroku ɡe i kuɑ kɑ sii ɡɑndu ǹ kun mɛ kɑ dɑ̃ɑ, ɡerɑ ɡɑ yen woodɑ wɛ̃.
6I nuɑ ye nɑ rɑɑ ɡeruɑ. I mɑɑ wɑ ye kpuro yɑ koorɑ. I ǹ ko i ye wurɑ? Wee, tɛ̃ nɑ bɛɛ ɡɑ̃ɑ kpɑɑnu nɔɔsiɑmɔ ni nu beruɑ i ǹ nu yɛ̃.
7Tɛ̃rɑ nu koo koorɑ, n ǹ mɔ ni nu rɑɑ koorɑ. I ǹ dɑɑ nin ɡɑri nɔɔre mɑ n kun mɔ ɡisɔ, kpɑ i ku rɑ kɑ ɡere i nɛɛ, i rɑɑ nu yɛ̃ kɔ.
8Wee i ku rɑ mɑn swɑɑ dɑki. I ku rɑ mɑɑ kɑ̃ bu bɛɛ ɡɑ̃ɑnu sɔ̃ɔsi, domi sɑɑ yellun di, bɑ ǹ bɛɛ swɑɑ yɑbe. Nɑ yɛ̃ mɑ i ko ko nɑɑnɛ sɑribɑ, domi bu sere bɛɛ mɑ, bɑ bɛɛ sokɑ be bɑ koo mɑn seesi.
9Adɑmɑ yèn sɔ̃ nɑ sɑ̃ɑ Gusunɔ, yen sɔ̃nɑ nɑ nɛn mɔru suresiɑ. Mɑ nɑ nɛn tii nɛnuɑ nɛn yiikon sɔ̃, kpɑ n ku rɑ kɑ bɛɛ kpeerɑsiɑ.
10Nɑ bɛɛn lɑɑkɑri mɛɛrɑ, ɑdɑmɑ n ǹ mɔ kɑ dɔ̃ɔ nɡe mɛ bɑ rɑ sii ɡeesu sɔwe. Nɑ bɛɛ dokewɑ yibɛrɛbɑn suunu sɔɔ bu kɑ bɛɛ sɛɛyɑsiɑ nɡe dɔ̃ɔ boko.
11Nɛn kĩrun sɔ̃nɑ nɑ ye kuɑ. Domi nɑ ǹ derimɔ nɛn yĩsiru tu bɛɛrɛ biɑ. Nɑ ǹ mɑɑ nɛn yiiko ɡoo wɛ̃ɛmɔ.
12Yinni Gusunɔ u nɛɛ, bɛɛ Isirelibɑ, bɛɛ be i sɑ̃ɑ Yɑkɔbun bweseru, bɛɛ be nɑ sokɑ, i swɑɑ dɑkio i nɔ. Nɛnɑ nɑ sɑ̃ɑ ɡbiikoo kɑ dɑ̃ɑko.
13Nɛnɑ nɑ tem kuɑ, mɑ nɑ wɔllu tɛriɑ. Yen bɑɑyeren yĩsirɑ nɑ sokɑ, mɑ yɑ koorɑ yɑnde.
14Bɛɛ kpuro i mɛnnɑmɑ, kpɑ i mɑn swɑɑ dɑki. Nɑ ɡoo mɔ wi nɑ kĩ. Wiyɑ u koo nɛn kĩru ko u Bɑbiloni wɔri. Kpɑ u nɔmɑ dɛmiɑ u yen tɔmbu nɛn dɑm sɔ̃ɔsi. Bɛɛn ɡoo kun yen ɡɑri ɡerure.
15Nɛ, Yinni Gusunɔwɑ nɑ ye ɡeruɑ. Nɑ nùn sokɑ, u mɑɑ nɑ. Mɑ nɑ derɑ win swɛɛ kpuro yi nùn kusiɑrɑ.
16Mɑ Esɑi u nɛɛ, i susimɑ nɛn bɔkuɔ kpɑ i nɔ. Sɑɑ yellun di, nɑ bɛɛ ye sɔ̃ɔwɑwɑ kpɑsɑsɑ. Sɑɑ yen toren diyɑ nɑ wɑ̃ɑ mi. Wee, tɛ̃ Yinni Gusunɔ u mɑn ɡɔrimɑ kɑ win Hunde.
17Wi u sɑ̃ɑ bɛɛ Isirelibɑn Yinni Dɛɛro, mɑ u bɛɛ yɑkiɑ u nɛɛ, u rɑ bɛɛ sɔ̃ɔsi ye n ko n bɛɛ ɑrufɑɑni ko, kpɑ u bɛɛ swɑɑ sɔ̃ɔsi ye yɑ weenɛ i swĩi.
18Ì n dɑɑ win woodɑbɑ mɛm nɔɔwɑ, ɑlɑfiɑ yɑ ko n bɛɛ wɑ̃ɑsiwɑ, nɡe dɑɑ bɑkɑrun nim mɛ mu rɑ n tɛrie.
19Bɛɛn bweseru tɑ koo dɑbiɑwɑ nɡe yɑni sɛɛri. Bɛɛn yĩsiru tɑ ǹ mɑɑ ɡbimɔ win wuswɑɑɔ.
20I yɑrio Bɑbilonin di i yen tɔmbu duki suurio. I nɑsɑrɑn womusu koowo, i kpɑrɑ hɑnduniɑn ɡoonu nnɛ sɔɔ i nɛɛ, wi, Yinni Gusunɔ u bɛɛ Yɑkɔbun bweseru yɑkiɑ, bɛɛ be i sɑ̃ɑ win sɔm kowobu.
21Nim nɔru ɡɑ ǹ bɛɛ mɔ̀ mi u koo bɛɛ kpɑrɑ ɡbɑburɔ, domi u koo kperu bɛrɑ kpɑ nim mu koku i nɔ.
22Adɑmɑ kɔ̃sɑn kowobu bɑ ǹ bɔri yɛndu wɑsi. Wi, Yinni Gusunɔwɑ u yeni ɡeruɑ.
