APOSETOLO EDIA KARA 5:7-13

⁷Hora toi bamona ia ore neganai, iena hahine ia raka vareai, to ia diba lasi dahaka ia vara.

⁸Bona Petero ia nanadaia, ia gwau, “Oi hamaoroa lau dekenai, umui ruaosi ese tano umui hoia davana gauna be inai, a?”

⁹Ia be ia haere, ia gwau, “Oibe, inai sibona.” Bona Petero ia gwau henia, ia gwau, “Badina dahaka umui ruaosi laloa tamona dekenai Lohiabada ena Lauma umui koia? Itaia, oiemu adavana idia guria memero be idia raka mai inai, bona oi danu do idia huaia lao.”

¹⁰Bona nega tamona Petero ena aena badinai ma ia moru diho, ia mase momokani. Bona uhau taudia idia raka vareai, idia itaia inai hahine ia mase vadaeni. Bona idia huaia lao, idia guria iena tau ena badinai.

¹¹Vadaeni unai neganai, ekalesia taudia ibounai, bona sivarai idia kamonai taudia ibounai ese gari bada idia abia.

¹²Toa kara bona hoa kara momo aposetolo taudia idia karaia hanua taudia edia vairana dekenai, bona ibounai Dubu Helaga dekenai idia haboua noho, Solomona ena Dehe lalonai, mai edia lalona tamona danu.

¹³To taunimanima haida idia dekenai idia haboua lasi, badina idia gari dainai. To hanua taudia ese ekalesia taudia edia kara idia hanamoa, mai moale danu.