HECHOS 5:7-13

⁷Cuando nasne tres hora, miñ jém Ananías iwɨcho̱mo, d́a ijo̱doŋ t́i nasne.

⁸Jesɨc jém Peto icwác jém yo̱mo: —Anɨ́maayɨ, ¿nu̱ma jesáŋam icho̱wa jém nas jutsaŋ achi jém iŋwɨd́a̱ya? Nɨm jém yo̱mo: —Nu̱ma jesáŋam.

⁹Jesɨc Peto iñɨ́máy: —¿T́iiga iŋwatta de acuerdo con iŋwɨd́a̱ya iga iŋcutɨ́tspa jém Dios iA̱nama? Jemum mi̱ñiyaj aŋsɨ̱cmɨ jém oyñewɨɨp icum jém iŋwɨd́a̱ya. Sɨɨp michgact́i nɨcpa micum.

¹⁰Jeet́i rato actɨŋ jém yo̱mo jém Peto ipuycɨɨm. Caanas. Cuando tɨgɨyyaj jém wo̱ñjaychɨ̱xt́am caaneum jém yo̱mo. It́opyaj, nɨc icum tu̱m lado ju̱t́ cumneta̱ jém iwɨd́a̱ya.

¹¹Tsa̱m pɨ̱mi cɨ̱ŋneyaj it́u̱mpɨy jém icupɨcneyajwɨɨp Cristo con jém imatoŋneyajwɨɨp t́i iñascayaj.

¹²Jém apóstolyaj iwatyaj jáyaŋ jém milagro y seña jém pɨxiñt́ámaŋjo̱m. Aŋtuuma̱neyaj it́u̱mpɨy de jeeyaj jém mɨjpɨc ma̱stɨc icorredor iñɨ̱yi Salomón.

¹³Pero jém d́apɨc icupɨcpa Cristo ni t́u̱m d́a iŋpɨtsneyaj, pero tsa̱m iwɨ̱ixyajpa jém Dios ipɨxiñt́am.