ᤛᤣ᤺ᤰᤕᤢᤰᤔᤡᤒᤠᤜᤠ᤹ 5:7-13

⁷ᤜᤧᤰᤁᤩᤠᤱ ᤁᤢᤔᤢᤰ ᤛᤢᤶᤛᤡ ᤀᤣᤃᤠᤱ ᤜᤏᤏᤡᤕᤠᤖᤧ ᤁᤢᤔᤣ᤺ᤳᤋᤡᤴ ᤁᤢᤕᤧᤶᤒᤠ᤹ᤀᤡᤴ ᤌᤧᤔᤠ ᤐᤥ᤺ᤰᤂᤧ ᤁᤧᤗ᤹ᤒᤠ ᤌᤣᤀᤠᤱ ᤏᤡᤱᤘᤠ᤹ ᤔᤧᤱᤄᤥᤀᤣ ᤂᤧᤵᤔᤥ ᤋᤩᤧᤖᤥ॥

⁸ᤐᤋᤪᤢᤛᤖᤧ ᤂᤧᤴ ᤛᤣ᤺ᤴᤍᤥᤛᤢ. “ᤜᤏᤏᤡᤕᤠᤖᤧ ᤁᤢᤗᤠᤈᤣᤴ ᤛᤱᤄᤢᤀᤠᤱ ᤂᤥ᤺ᤛᤢᤒᤠ ᤁᤢᤔᤧᤸᤗᤢᤱ ᤕᤠᤱ ᤒᤠ ᤁᤶᤔᤩᤠᤰᤗᤰᤐᤡ᥅” ᤜᤧᤰᤁᤣ᤺ᤸᤗᤧ ᤂᤧᤸᤗᤧᤀᤠᤱ ᤏᤥᤃᤵ ᤐᤡᤖᤢ. “ᤀᤥᤖᤥ᥄ ᤁᤢᤔᤧᤸᤗᤢᤱ ᤕᤠᤱᤃ ᤒᤠ ᤂᤧᤶᤔᤩᤠᤰᤗᤰᤗᤥ॥”

⁹ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤂᤧᤴ ᤔᤧᤳᤋᤢ. “ᤀᤠᤰᤂᤣᤗ᤹ᤖᤡᤰ ᤍᤠᤱᤒᤠᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤛᤠ᤹ᤔᤠ ᤑᤠ᤹ᤀᤠᤱ ᤂᤡᤴᤇᤡ᤹ ᤏᤡᤱᤘᤠ᤹ᤀᤡᤴ ᤁᤧᤍᤱᤄᤧᤳᤇᤢᤒᤣ᥅ ᤂᤧᤵᤛᤧ᤹ᤀᤥ. ᤂᤧᤏᤧ᤹ ᤁᤧᤃᤠᤵᤐᤥᤒᤧᤴ ᤁᤧᤗᤢᤵᤐᤠᤜᤠ᤹ ᤂᤠ ᤗᤠᤶᤎᤣ᤺ᤵᤐᤥ ᤔᤧᤃᤧᤳᤗᤖᤰ ᤔᤧᤒᤳᤗᤥ॥ ᤂᤧᤱᤜᤠ᤹ᤖᤧ ᤁᤧᤎᤰᤁᤡᤴᤏᤠᤱ ᤔᤧᤒᤰᤂᤢᤀᤠᤱ ᤔᤧᤍᤣ᤹ᤖᤢᤖᤥ॥”

¹⁰ᤂᤡᤔᤥ ᤐᤋᤪᤢᤛᤖᤧ ᤁᤢᤗᤠᤱᤈᤰᤐᤥ ᤂᤧᤴ ᤜᤷᤃᤢᤵᤛᤠ ᤆᤥ᤺ᤴᤍᤧᤀᤠᤱ ᤁᤢᤛᤰᤔᤠ ᤐᤣᤖᤥ॥ ᤜᤧᤰᤁᤩᤠᤱ ᤂᤧᤴ ᤌᤠᤱᤒᤧᤴᤜᤠ᤹ ᤛᤡᤃᤠᤱ ᤔᤧᤗᤠ᤺ᤛᤧᤸᤗᤧ ᤂᤧᤴ ᤛᤩᤧᤒᤠ ᤔᤧᤏᤡ᤺ᤛᤢ. ᤜᤧᤰᤁᤩᤠᤱ ᤔᤧᤒᤰᤂᤢ ᤔᤧᤍᤣ᤹ᤖᤢᤀᤠᤱ ᤁᤢᤕᤧᤶᤒᤠ᤹ᤀᤡᤸᤗᤧ ᤁᤢᤒᤣᤛᤠᤱ ᤔᤧᤗᤢᤵᤋᤢᤖᤥ॥

¹¹ᤜᤧᤰᤁᤩᤠᤱ ᤂᤧᤴ ᤐᤠ᤺ᤴ ᤁᤧᤄᤧᤶᤒᤠ ᤔᤏᤠᤜᤠ᤹ ᤏᤢ ᤛᤣᤛᤣᤜᤢᤵᤗᤰᤁᤥᤒᤠ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤖᤥ॥

¹²ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤕᤖᤡᤰ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤏᤠᤗᤢᤶᤔᤥ ᤔᤧᤈᤥᤃᤢᤖᤥ॥ ᤜᤧᤰᤁᤩᤠᤱ ᤁᤧᤖᤧᤰ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤀᤧᤳᤗᤧᤱ ᤛᤥᤗᤥᤔᤏᤖᤧ ᤁᤢᤀᤠ᤺ᤶᤓᤥᤀᤥ ᤛᤥᤛᤥᤖᤡᤰ ᤔᤧᤘᤕᤧᤖᤥ॥

¹³ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ᤏᤢ ᤋᤱᤛᤡᤱᤔᤠ ᤑᤠ᤹ᤀᤠᤱ ᤀᤠ᤺ᤴᤇᤡᤱᤔᤠ ᤔᤧᤴᤇᤢᤰᤋᤢᤴ. ᤁᤖ ᤂᤧᤱᤜᤠ᤹ᤖᤧ ᤛᤠ᤹ᤖᤡᤰ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤛᤡᤖᤥ॥