Hechos 5:7-13

⁷Kemi eyi ora satepa, okalakiko isiwa n Ananías, mach okimatia tlan otlamochijka.

⁸Ijkuakó Pedro okitlajtlani: —Techili, ¿Nomejwah ononkinamakakeh n tlali, achó kemi nonkijtoah? N siwatl otlanankili: —Milák, achó ipati.

⁹Pedro okili: —¿Tleka ononmotlatlalwijkeh para nonkiyejyekoskeh Iespíritu n Toteko Dios? Kaltempa kalaktiwitseh akimeh okitookatoh motlakau, iwa axa te noiwa mitstookatiweh.

¹⁰Ijkuakó Safira owetski ikxitla n Pedro iwa omikki. Ijkuak owalkalakeh n telpokameh, okajsikoh n Safira yomikki, okikixtijkeh iwa okitookatoh inakastla iokich.

¹¹Nochteh n tlaneltokakeh, iwa akimeh okimatkeh tlan otlamochi, satlawel omomojtijkeh.

¹²Itlatitlanilwah Jesús okinnextiayah miakeh neskayolteh iwa tlan tetlajtlachialti ompa Jerusalén, iwa nochteh non okineltokayah n Jesús omoololoayah kan korrédor non kiliah Portal de Salomón.

¹³Iwa n oksikimeh mach omixewiayah moneloskeh inwah, pero nochteh okintlanekiliayah.