لُكِ 20:30-45

³⁰عَ شَنبِرَتٌي نَشَ نَ كَاحّ فِنّ تٌنفٌ، كْنْ عَ قَن نَشَ قَشَ.

³¹نَ نَن مَن نَبَ نَ قَن شَنبِرَتٌي رَ، عَ نُن نَ دِ سٌلٌقٍرٍ بِرِن نَ. عٍ بِرِن نَشَ قَشَ، عٍ سٍسٍ مُ بْنسْي لُ.

³²عَ دْنشْي رَ، فِنّ قَن نَشَ قَشَ.

³³نَ كُي، مَرَكٍلِ لْشْي، نَ فِنّ تٌ دْشْشِ يِ مِشِ سٌلٌقٍرٍ بِرِن شْن مَ، عَ سَ قِندِ مَ ندٍ فبٍ رَ؟»

³⁴عِسَ نَشَ عَ مَسٍن عٍ بّ، «يِ دُنِحّءِفِرِ كُي، شّمّ فِنّ دْشْمَ، فِنّ قَن دْشْمَ شّمّ شْن.

³⁵كْنْ مِشِ نَشٍيٍ بِنيّ سْتْمَ عٍ شَ كٍلِ قَشّ مَ، عٍ شَ سَ سٌ وَشَتِ كُي نَشَن سَ قَمَ، عٍ تَن شّمّيٍ مُ فِنّيٍ دْشْمَ، فِنّيٍ قَن مُ دْشْمَ شّمّيٍ شْن.

³⁶عٍ مُ قَشَمَ سْنْن، بَرِ مَ عٍ لُمَ نّ عَلْ مَلٍكّيٍ. عٍ تٌ بَرَ كٍلِ قَشّ مَ، عٍ قِندِ مَ عَلَ شَ دِيٍ نَن نَ.»

³⁷«كْنْ عَ قَلَقٍ تَن، عَ قَشَمِشِيٍ كٍلِمَ قَشّ مَ، عَننَبِ مُنسَ يَتِ نَ مَسٍن نّ كِتَابُي كُي وُرِ بِلِ شَ قٍ قَلَشِ دّننَشّ، عَ تٌ مَرِفِ شِلِ قَلَ، ‹ﭑ تَن نَن نَ مَرِفِ عَلَتَلَ رَ، عِبُرَهِمَ، عِسِيَفَ، نُن يَشُبَ نَشَن بَتُمَ.›

³⁸قَشَمِشِيٍ شَ مُ عَلَ بَتُمَ، قٌ عَ مِشِ حِحّ. مِشِ يٌ قِندِ عَلَ بَتُي رَ، نَ كَنيِ حِحّ نَن عَ رَ.»

³⁹سّرِيّ كَرَ مْشْ ندٍيٍ نَشَ عَ قَلَ عَ بّ، «كَرَ مْشْ، عِ شَ مَسٍنيِ قَن،»

⁴⁰بَرِ مَ سَدُ سٍنِيٍ مُ سُو سَ مَشْرِنيِ يٌ تِدٍ عَ مَ سْنْن.

⁴¹عِسَ نَشَ عٍ مَشْرِن، «مُنقٍ رَ عٍ عَ قَلَمَ عَ عَلَ شَ مِشِ سُفَندِشِ قِندِشِ دَوُدَ شَ دِ نَن نَ؟

⁴²دَوُدَ يّتّ عَ مَسٍن نّ يَبُرَ كِتَابُي كُي، ‹مَرِفِ بَرَ عَ مَسٍن ﭑ مَرِفِ بّ، “ِ مَفٌرٌ ﭑ يِرٍقَنيِ مَ،

⁴³هَن بٍيمَنُن ﭑ شَ عِ يَشُييٍ قِندِ عِ سَنيِ كِلْنسٍ رَ.”›»

⁴⁴«شَ دَوُدَ عَ شِلِ ‹ﭑ مَرِفِ›، دَوُدَ قَ نْمَ قِندِدٍ عَ بَبَ رَ دِ؟»

⁴⁵حَمَ بِرِن تٌ نُ عٍ تُلِ تِشِ عَ رَ، عِسَ نَشَ عَ مَسٍن عَ قْشِرَبِرّيٍ بّ،