San Lucas 20:30-45

³⁰Hacpax tuꞌ naj iscab, mohyi naj yeb ix, iscampaxo naj, machipaxo yuninal naj yeb ix.

³¹Ismohyipaxo naj yox yeb ix. Hac tuꞌ xin yu ismohyilo ebnaj hujwan̈ tuꞌ yeb ix, yaj ton̈e la-cam ebnaj sunil. Maẍticꞌa xin hunu yuninal ebnaj yeb ix.

³²Islahobal xin, iscampaxo ix.

³³Yuxin hayet chiapni istzꞌayical yet chiitzitzbican̈ anma camnaxa, ¿mac xin ebnaj hujwan̈ tuꞌ chꞌoc yichamilo ix yuto mohyina ebnaj hujwan̈ tuꞌ yeb ix? ẍi ebnaj.

³⁴Istakꞌwican̈ Comam Jesús: —Bey yul sat yiban̈kꞌinal tiꞌ ebnaj winaj chiyikꞌ ebnaj yixal, yeb ebix ix chikꞌ ebix yichamil.

³⁵Yajaꞌ anma yetticꞌa satcan̈ yehi, yet chiitzitzbocan̈ xol camom, matxa yixal naj winaj, matxapaxo yichamil ix ix.

³⁶Matxa chicam anma tuꞌ yuto lahanxa chꞌelico yeb ebnaj yángel Comam Dios. Chiꞌoc yuninalo Comam Dios bey satcan̈ yet chiitzitzbican̈.

³⁷Naj Moisés, yakꞌcano naj johtan̈eloj tato chiitzitzbican̈ anma camnaxa, bay tzꞌibn̈ebilcano yin̈ yet yilni naj yoc kꞌaꞌ yin̈ hun hoban teꞌ txꞌix yet istzotelilti Comam Dios xol kꞌa kꞌaꞌ tet naj. Yalni Comam: —Haninan isDiosal icham Abraham, isDiosal naj Isaac yebpaxo isDiosal naj Jacob, ẍi Comam.

³⁸Waxan̈ca camnaxa ebnaj, yaj itzitz ebnaj yul sat Comam Dios, yuto mach isDiosalo camom ye Comam. Yuxin yul sat Comam Dios sunil anma itzitz, ẍi Comam.

³⁹Yalni huntekꞌan ebnaj chicuyni anma yin̈ isley naj Moisés tet Comam: —Mam cuywawom caw cꞌul maxawute hapajtzen huneꞌ tiꞌ, ẍi ebnaj.

⁴⁰Lahwi tuꞌ xin matxa hunu ebnaj yakꞌ iskꞌambebal tet Comam.

⁴¹Yalni Comam Jesús tet anma ayco iscꞌatan̈ tuꞌ: —¿Tzet yin̈ yuxin chihallaxi tato yin̈ naj David titna Comam Cristo?

⁴²Yajaꞌ yalcano naj David yin̈ Salmos hacaꞌ tiꞌ: Yal Comam Dios tet Wahawilan: “Ayan̈ tzꞌon̈no yin̈ inwatxꞌkꞌabtiꞌan,

⁴³masanto chiwacojan anma ayco ishowal tawin̈ yalan̈ hawoj,” ẍi naj David.

⁴⁴¿Tzet yin̈ yuxin yal naj David Wahawan yin̈ Comam Cristo, tato yin̈ naj titna Comam? ẍi Comam Jesús tet anma.

⁴⁵Yet ayco anma yaben tzet chal Comam Jesús tuꞌ, yalni Comam tet ebnaj iscuywom: