Luka 20:30-45

³⁰Na wa keli kamsola ipingayo, naye kafa ng'alekile iwana.

³¹Kuya wa kadatu kamkwela, na pfipfila wose saba, wafa ng'awalekile iwana bae.

³²Mwiso ipinga yula naye kafa.

³³Lelo mne litsuwa lya kutsilihuka kakuwa mwehe wa yuhi? Kwaapfila tsakakwelighwa na wose saba.”

³⁴Yesu kawalongela, “Iwanu wa ghamatsuwa ghano wokwela na kukwelighwa.

³⁵lekeni awala iwasaghulighwe watsilihuke kulawa mne lifwa na wawe ne ugima, ng'awatsokwela bae wala kukwelighwa.

³⁶Ng'awatsakufa keli bae, kwaapfila watsokuwa ka wamalaika. Nawo wa iwana we Imulungu kwaapfila watsilihuka kulawa mne lifwa.

³⁷Lekeni, kulonga iwanu iwafile watsotsilihuka, hata Musa tsakalangusa apfo mne imbuli ya chibagho ichikwaka, baho hayalongile Imtwatsa ka Imulungu we Abrahamu, ne Imulungu we Isaka ne Imulungu wa Yakobu.

³⁸Naye si Imulungu wa iwanu iwafile bae, lekeni yeye ka Imulungu wa wene ughima. Kwaapfila wose wokala waghima kuna yeye.”

³⁹Wangi we iwolangulitsa Ghamalaghitso walonga, “Imlangulitsi kulonga ghoya!”

⁴⁰Nawo ng'awadahile bae kumghutsa keli imbuli.

⁴¹Kuya Yesu kawalongela, “Angu pfii iwanu wolonga Kiristu ka Imwana we Daudi?

⁴²Kwaapfila Daudi imwenyegho kolonga mne ichitabu cha Tsaburi, ‘Imtwatsa tsakamlongela Imtwatsa wangu, Ukale mne ubali wangu wa kujilo.

⁴³Mbaka niwatende iwanebe wako wawe hasi ha ghamaghulu ghako. ka chighoda cha kwikila maghulu’

⁴⁴Daudi kamkema ‘Imtwatsa,’ Pfii lelo yadahe kuwa imwanaghe?”

⁴⁵Ne iwanu wose hawakalile wamtegheletsa, Yesu kawalongela iwanang'ina wake,