Luko 20:30-45

³⁰ankaŭ la dua;

³¹kaj la tria ŝin prenis; kaj tiel same ankaŭ la sep ne lasis infanojn, kaj mortis.

³²Laste mortis ankaŭ la virino.

³³En la releviĝo do por kiu el ili ŝi estos edzino? ĉar la sep havis ŝin kiel edzinon.

³⁴Kaj Jesuo diris al ili: La filoj de ĉi tiu mondo edziĝas kaj estas edzigataj;

³⁵sed kiuj estas juĝitaj indaj atingi tiun mondon kaj la releviĝon el la mortintoj, tiuj nek edziĝas nek edziniĝas;

³⁶ĉar ili ne plu povas morti; ĉar ili estas egalaj kun la anĝeloj, kaj estas filoj de Dio, estante filoj de la releviĝo.

³⁷Sed ke la mortintoj leviĝas, Moseo mem montris en la arbetaĵo, kiam li nomis la Eternulon la Dio de Abraham kaj la Dio de Isaak kaj la Dio de Jakob.

³⁸Li estas Dio ne de mortintoj, sed de la vivantoj, ĉar ĉiuj vivas al Li.

³⁹Kaj iuj el la skribistoj responde diris: Majstro, vi bone diris.

⁴⁰Kaj ili ne plu kuraĝis fari al li demandon.

⁴¹Kaj li diris al ili: Kiel oni diras, ke la Kristo estas filo de David?

⁴²Ĉar David mem diras en la Psalmaro: La Eternulo diris al mia Sinjoro: Sidu dekstre de Mi,

⁴³Ĝis Mi faros viajn malamikojn benketo por viaj piedoj.

⁴⁴Tial David nomas lin Sinjoro, kaj kiamaniere li estas lia filo?

⁴⁵Kaj dum la tuta popolo aŭskultis, li diris al siaj disĉiploj: