Яритилиш 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Бу Адәматиниң әвлатлириниң нәсәбнамисидур: — Худа инсанни яратқан күнидә, уни Өзигә охшаш қилип яратти.  

²У уларни әр җинис вә аял җинис қилип яритип, уларға бәхит-бәрикәт ата қилип, яритилған күнидә уларниң намини «адәм» дәп атиди.  

³Адәмата бир йүз оттуз яшқа киргәндә униңдин өзигә охшайдиған, өз сүрәт-образидәк бир оғул төрәлди; у униңға Шет дәп ат қойди.

⁴Шет туғулғандин кейин Адәмата сәккиз йүз жил өмүр көрүп, униңдин йәнә оғул-қизлар төрәлди.  

⁵Адәм атимиз җәмий тоққуз йүз оттуз жил күн көрүп, аләмдин өтти.

⁶Шет бир йүз бәш яшқа киргәндә униңдин Енош төрәлди.

⁷Енош туғулғандин кейин Шет сәккиз йүз йәттә жил өмүр көрүп, униңдин йәнә оғул-қизлар төрәлди.

⁸Шет җәмий тоққуз йүз он икки жил күн көрүп, аләмдин өтти.

⁹Енош тохсән яшқа киргәндә униңдин Кенан төрәлди.

¹⁰Кенан туғулғандин кейин, Енош сәккиз жүр он бәш жил өмүр көрүп, униңдин йәнә оғул-қизлар төрәлди.

¹¹Енош җәмий тоққуз йүз бәш жил күн көрүп, аләмдин өтти.

¹²Кенан йәтмиш яшқа киргәндә униңдин Маһалалел төрәлди.

¹³Маһалалел туғулғандин кейин Кенан сәккиз йүз қириқ жил өмүр көрүп, униңдин йәнә оғул-қизлар төрәлди.

¹⁴Кенан җәмий тоққуз йүз он жил күн көрүп, аләмдин өтти.

¹⁵Маһалалел атмиш бәш яшқа киргәндә униңдин Ярәд төрәлди.

¹⁶Ярәд туғулғандин кейин Маһалалел сәккиз йүз оттуз жил өмүр көрүп, униңдин йәнә оғул-қизлар төрәлди.

¹⁷Маһалалел җәмий сәккиз йүз тохсән бәш жил күн көрүп, аләмдин өтти.

¹⁸Ярәд бир йүз атмиш икки яшқа киргәндә униңдин Һанох төрәлди.

¹⁹Һанох туғулғандин кейин Ярәд сәккиз йүз жил өмүр көрүп, униңдин йәнә оғул-қизлар төрәлди.

²⁰Ярәд җәмий тоққуз йүз атмиш икки жил күн көрүп, аләмдин өтти.

²¹Һанох атмиш бәш яшқа киргәндә униңдин Мәтушәлаһ төрәлди.

²²Мәтушәлаһ туғулғандин кейин Һанох үч йүз жилғичә Худа билән бир йолда меңип, йәнә оғул-қизларни тапти.

²³Һанохниң йәр йүзидә барлиқ көргән күнлири үч йүз атмиш бәш жил болди;

²⁴У Худа билән бир йолда меңип яшайтти; у туюқсиз көздин ғайип болди; чүнки Худа уни Өз йениға елип кәткән еди.   

²⁵Мәтушәлаһ бир йүз сәксән йәттә яшқа киргәндә униңдин Ләмәх төрәлди.

²⁶Ләмәх туғулғандин кейин Мәтушәлаһ йәттә йүз сәксән икки жил өмүр көрүп, униңдин оғул-қизлар төрәлди.

²⁷Мәтушәлаһ җәмий тоққуз йүз атмиш тоққуз жил күн көрүп, аләмдин өтти.

²⁸Ләмәх бир йүз сәксән икки яшқа киргәндә бир оғул тепип, униң исмини Нуһ атап: — Пәрвәрдигар тупраққа ләнәт қилди; шуңа биз йәргә ишлигинимиздә һәмдә қоллиримизниң җапалиқ әмгигидә бу бала бизгә тәсәлли бериду, — деди.

³⁰Нуһ туғулғандин кейин Ләмәх бәш йүз тохсән бәш жил өмүр көрүп, униңдин йәнә оғул-қизлар төрәлди.

³¹Ләмәх җәмий йәттә йүз йәтмиш йәттә жил күн көрүп, аләмдин өтти.

³²Нуһ бәш йүз яшқа киргәндин кейин, униңдин Шәм, Һам вә Яфәт төрәлди.