Zia yã́ 9 - Bibeli Luayãtaalá

Zia yã́ 9

Click on verse(s) to share them!

¹Malaika sↄode a pↄ́ pɛ̀, ↄ̃ ma saana è, à bↄ̀ luabɛ à lɛ̀lɛ tↄↄlɛ. Ɔ̃ wà gbã́o zòolo kilinɛ kpàwà,

²ↄ̃ saanapi gbã́o zòolopi zɛ́ wɛ̃̀. Súɛlɛ bↄ̀u lán mua zↄ̃ↄ súɛlɛwa, ↄ̃ gbã́opi súɛlɛ ĩatɛ̃ siakũ̀, gu kɛ̀ síii.

³Kwaↄ bↄ̀lɛ súɛlɛpi guu aa lì tↄↄlɛa. Wà ń gbá iko lán dṹnia sóiↄ pↄ́wa.

⁴Wa ònɛ́ aasu ĩada sɛ̃e ge láe ge líewao, sema gbɛ̃́ pↄ́ aa Lua seela vĩ ń mi'aɛwaoↄ.

⁵Wi ń gba zɛ́ aa gbɛ̃́ↄ dɛdɛo. Aa wãwã kpáńzi e mↄ sↄoɛ. An wãwã dɛ lán sói gbɛ̃́paa wãwãwaɛ.

⁶Gↄↄ beeↄ zĩ́ gbɛ̃́ↄ wɛɛlɛ ga mↄ́ ń sɛ́, a mↄo. Ga ni a ń dɛ, kási ga a bàalɛnɛ́ɛ.

⁷Kwapiↄ dɛ lán sↄ̃́ pↄ́ an zĩkasↄu màↄwa. Aa pↄe kpákpaa lán vua fùawa, an oa bↄ̀ lán gbɛ̃nazĩna pↄ́wa.

⁸An mikã dɛ gbã̀agbãa lán nↄɛ pↄ́wa, an swaaↄ dɛ lán nↄ̀ↄmusu pↄ́wa.

⁹An kua dɛ lá aa mↄ̀ ula dadaawa, an gã̀sĩa kĩ́i dↄ lán gó dasi pↄ́ sↄ̃́ↄ lɛ́ gálɛ zĩ guuↄ kↄ̃fĩwa.

¹⁰Aa vlã́ vĩ ń kao lán sóiwa. An iko kú ń vlã́piↄwa aa ĩadaò gbɛ̃́ↄwa e mↄ sↄo.

¹¹Gbã́o zòolo malaikapi mɛ́ ń kía ũ. Ń Ɛbɛlu yã́o aà tↄ́n Abadↄ̃. Ń Gɛlɛki yã́o sↄ̃ Apↄliↄ̃.

¹²Wɛ̃na sɛ̃́ia gɛ̃̀, wɛ̃na mɛ̀n plaↄ lɛ́ mↄ́ a kpɛ lↄ.

¹³Malaika soolode a kã̀ae pɛ̀. Ma lↄↄ mà à bↄ̀ Lua aɛ tulaletikatɛakĩi pↄ́ wa pì ń vuao a kↄ́ba síiↄ̃ↄ kĩ́i.

¹⁴A ò malaika soolode pↄ́ kã̀ae kũaɛ à mɛ̀: Malaika gbɛ̃ↄn síiↄ̃ pↄ́ yeyea swa zↄ̃ↄ Uflata saɛↄ polo.

¹⁵Ɔ̃ wà malaika gbɛ̃ↄn síiↄ̃ pↄ́ wà ń sↄukɛ̀ wɛ̃ bee, mↄ bee, gↄↄ bee, zaa bee yã́iↄ pòlo, kɛ́ aa gbɛ̃nazĩna lɛɛ àaↄ̃de dɛdɛ yã́i.

¹⁶Ma sosa sↄ̃deↄ dasilɛ mà, aa miliↄ̃ ↄ̀aa doɛ.

¹⁷Wɛ́pungu'eapi guu lá ma sↄ̃́piↄ ń ń dikpɛnaↄ èn kɛ: Aa mↄ̀ ulaↄ dadaa tɛ̃́ɛɛ lán tɛ́wa, búunnↄ lán bulawa, tɛ̃́ɛɛ lán kpà'iwa. Sↄ̃́piↄ mi dɛ lán nↄ̀ↄmusu miwa. Tɛ́ ń súɛlɛo ń ĩatɛ̃gbↄ̃o lɛ́ bↄ ń lɛ́u.

¹⁸Ĩa mɛ̀n àaↄ̃ɛ beeↄ, tɛ́ ń súɛlɛo ń ĩatɛ̃gbↄ̃ pↄ́ lɛ́ bↄ ń lɛ́uo mɛ́ gbɛ̃nazĩna lɛɛ àaↄ̃deↄ dɛ̀dɛ.

¹⁹Asa sↄ̃́piↄ iko kú ń lɛ́ guuɛ ń ń vlã́o lↄ. An vlã́ dɛ lán mlɛ̃wa, aa mi vĩ aaì ĩadaò gbɛ̃́ↄwa.

²⁰Gbɛ̃́ kĩni pↄ́ aai gaga ĩa bee musuoↄ, aai nↄ̀sɛlilɛ aa pↄ́ pↄ́ aa kɛ̀ yã́ tòo. Aa gì lɛ́ kúlɛ tã́aↄnɛ ń pↄ́ pↄ́ aa kɛ̀ ń vuao ń ã́nusuo ń mↄgotɛ̃o ń gbɛo ń líoↄnɛ. Pↄ́piↄ lí gu'eo, aali yãmao, aali táa'o sↄ̃o.

²¹Aai nↄ̀sɛlilɛ aa ń gbɛ̃dɛa ge an gbɛ̃kↄↄlɛkɛa ge an gbãsĩkɛa ge an kpã́i'oa tòo.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Zia yã́ 912345678910111213141516171819202122

Zia yã́ 9
1
2
3
4
5
6
7
8
9
10
11
12
13
14
15
16
17
18
19
20
21
22